ನೆಚ್ಚಿನ ಕನ್ನಡವ ಕಂಡೆ: ಡಾ| ತುಪ್ಪಿಲ್‌

Team Udayavani, Sep 30, 2019, 5:54 AM IST

ವಿದ್ಯಾನಗರ: ಜಗತ್ತಿನಾದ್ಯಂತ ಎಷ್ಟು ಧರ್ಮಗಳಿದ್ದರೂ, ಮನುಜ ಧರ್ಮ ವಷ್ಟೇ ಶ್ರೇಷ್ಠವಾದುದು. ಮಾನವ ಕುಲಕೋಟಿ ಇಂದು ಈ ಮಟ್ಟಕ್ಕೆ ತಲಪು ವಲ್ಲಿ ತಲೆತಲಾಂತರಿಂದ ನಡೆದುಬಂದ ಜಾನಪದ ಸಂಸ್ಕೃತಿ ಭದ್ರ ತಳಹದಿ ಯೊದಗಿಸಿದ್ದು, ವಿಜ್ಞಾನಕ್ಕಿಂತ ಮಿಗಿಲಾದ ಶಕ್ತಿ ಜಾನಪದಕ್ಕೆ ಇದೆ ಎಂದು ವಿಶ್ವಸಂಸ್ಥೆ ಹಾಗೂ ವಿಶ್ವ ಆರೋಗ್ಯ ಸಂಸ್ಥೆಯ ಭಾರತದ ಪ್ರತಿನಿ , ಭಾರತ ಸರ್ಕಾರದ ಇನ್ಸ್‌ಲಾರ್‌ ಅಧ್ಯಕ್ಷ ಡಾ| ವೆಂಕಟೇಶ ತುಪ್ಪಿಲ್‌ ಅವರು ಅಭಿಪ್ರಾಯ ವ್ಯಕ್ತಪಡಿಸಿದರು.

ಕರ್ನಾಟಕ ಜಾನಪದ ಪರಿಷತ್ತು ಕೇರಳ ಗಡಿನಾಡ ಘಟಕದ ನೇತೃತ್ವದಲ್ಲಿ ಸುಬ್ಬಯ್ಯಕಟ್ಟೆ ಕನ್ನಡ ಸಂಘ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಬೆಂಗಳೂರು, ಗಡಿನಾಡ ಸಾಹಿತ್ಯ ಸಾಂಸ್ಕೃತಿಕ ಅಕಾಡೆಮಿ ಕಾಸರಗೋಡು ಮತ್ತು ಆದಿತ್ಯ ಫ್ರೆಂಡ್ಸ್‌ ಕ್ಲಬ್‌ ನಾರಾಯಣಮಂಗಲಗಳ ಸಂಯುಕ್ತ ಆಶ್ರಯದಲ್ಲಿ ನಾರಾಯಣಮಂಗಲ ಅನುದಾನಿತ ಶಾಲಾ ವಠಾರದಲ್ಲಿ ಶನಿವಾರ ಆಯೋಜಿಸಲಾಗಿದ್ದ ಓಣಂ-ದಸರಾ ಜಾನಪದ ಉತ್ಸವ ಸಮಾರಂಭವನ್ನು ತುಳು ನಾಡಿನ ಸಾಂಪ್ರದಾಯಿಕ ಚೆಂಡೆ ನುಡಿಸಿ ಉದ್ಘಾಟಿಸಿ ಅವರು ಮಾತನಾಡಿದರು.

ಕನ್ನಡ ನಾಡು-ನುಡಿಯ ಸಮƒದ್ದ ಬೆಳವಣಿಗೆಯ ಹಿಂದೆ ಇಲ್ಲಿಯ ಮಣ್ಣಿನ ಕಣಕಣದೊಳಗಿನ ಜಾನಪದೀಯ ಚೌಕಟ್ಟಿನ ಸಾಂಸ್ಕೃತಿಕ ಹಿನ್ನೆಲೆ ಅಧಮ್ಯ ಚೇತನವನ್ನು ನೀಡಿ ಬೆಂಬಲಿಸಿದೆ. ಹುಟ್ಟು ಮತ್ತು ಸಾವುಗಳ ಮಧ್ಯೆ ಆಟ, ಕಲಿಕೆ, ಸಂಪಾದನೆಗಳಲ್ಲಿ ವ್ಯಸ್ಥ ರಾಗಿ ನಿಸ್ವಾರ್ಥತೆಯ ಸಾಮಾಜಿಕ ಕೊಡುಗೆಗಳನ್ನು ಮರೆಯುತ್ತಿದ್ದೇವೆ. ಆದರೆ ಯೋಗ್ಯರಿಗೆ ನಮ್ಮಲ್ಲಿರುವ ಅರಿ ವನ್ನು ಧಾರೆಯೆರೆಯುವಲ್ಲಿ ಬದುಕಿನ ಸಾರ್ಥಕತೆ ಅಡಗಿದೆ ಎಂದು ಅವರು ತಿಳಿಸಿದರು.

ಕರ್ನಾಟಕ ಜಾನಪದ ಪರಿ ಷತ್ತು ಕೇರಳ ಗಡಿನಾಡ ಘಟಕದ ಸುಧೀರ್ಘ‌ ಅವಧಿಯ ನಾಡು- ನುಡಿಯ ಸೇವೆ ಇತರೆಡೆಗಳಿಗೆ ಸದಾ ಮಾತƒಕೆಯಾಗಿದ್ದು, ಬಹುಸಂಸ್ಕೃತಿಯ ಗಡಿನಾಡಿನ ಶ್ರೀಮಂತ ಪರಂಪರೆಯ ಸಂಕೇತವಾಗಿ ಜನಮಾನಸದಲ್ಲಿ ನೆಲೆಗೊಳ್ಳಲಿದೆ ಎಂದು ಅವರು ಶ್ಲಾಘಿಸಿದರು.

‌ಕ್ತಿಹೊಂದಿದ ಸತ್‌ ಸಂಪ್ರದಾಯವಾಗಿ ಬೆಳೆದುಬಂದಿದೆ ಎಂದು ತಿಳಿಸಿದರು. ಬಾಲವಿಕಾಸಪರಿಷತ್ತು ಕರ್ನಾಟಕದ ನಾಲ್ಕು ಗಡಿನಾಡ ವ್ಯಾಪ್ತಿಯಲ್ಲಿ ಗಡಿನಾಡ ಘಟಕದ ರೂಪೀಕರಣಕ್ಕೆ ಚಿಂತನೆ ನಡೆಸಿ ಈಗಾಗಲೇ ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗಿದೆ ಎಂದು ತಿಳಿಸಿದ‌ಅವರು, ಪ್ರಸ್ತುತ ಸಾಲಿನ ರಾಜ್ಯಮಟ್ಟದ ಮಕ್ಕಳ ಹಬ್ಬವನ್ನು ಕಾಸರಗೋಡಿನಲ್ಲಿ ಆಯೋಜಿಸ ಲಾಗುವುದೆಂದು ಘೋಶಿಸಿದರು.

ಮಾನವ ಕುಲದ ಉದ್ದಾರ
ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ಕರ್ನಾಟಕ ರಾಜ್ಯ ನಿವೃತ್ತ ಪೋಲೀಸ್‌ ಮಹಾನಿರ್ದೇಶಕ ಕೆ.ವಿ.ಆರ್‌.ಠಾಗೋರ್‌ ಅವರು ಮಾತನಾಡಿ, ಹƒದಯ ವೈಶಾಲ್ಯತೆ, ಹಸುನ್ಮುಖದ ನಗು ಮನುಷ್ಯನನ್ನು ಬಹಳಷ್ಟು ಎತ್ತರಕ್ಕೆ ಒಯ್ಯುತ್ತದೆ. ಪ್ರತಿದಿನದ ಶುಭಸೂರ್ಯೋದವು ಮನುಷ್ಯ ಬದುಕಿನ ಅವಕಾಶಗಳಿಗೆ ತೆರೆದುಕೊಳ್ಳುವುದರೊಂದಿಗೆ ಆರಂಭಗೊಳ್ಳುತ್ತಿದ್ದು, ಸದುಪಯೋಗಪಡಿಸುವ ನೈಪುಣ್ಯತೆ ನಮ್ಮನ್ನು ಬೆಳೆಸುತ್ತದೆ. ಪರಂಪರೆಯ ಅರಿವಿನೊಂದಿಗೆ ನಮ್ಮ ಬದುಕು ಮುನ್ನಡೆದಾಗ ಸುಂದರ ಬದುಕು ನಿರ್ಮಾಣವಾಗುತ್ತದೆ. ಪಾರಂಪರಿಕ ಜಾನಪದ ಚಿಂತನೆಯ ಮೂಲ ಉದ್ದೇಶ ಮಾನವ ಕುಲದ ಉದ್ಧಾರವೇ ಆಗಿದೆ ಎಂದು ತಿಳಿಸಿದರು.

ಕನ್ನಡವನ್ನು ಗಡಿನಾಡಿನ ಕನ್ನಡಿ ಗರು ಪೋಷಿಸಿ ಸಾಧನೆ ಮಾಡುತ್ತಿದ್ದಾರೆ. 26 ಭಾಷೆಗಳನ್ನೂ ಪೋಷಿ ಸುವ ಹೃದಯ ವೈಶಾಲ್ಯತೆ ಕಾಸರ ಗೋಡಿನ ಕನ್ನಡಿಗರದ್ದು. ಸ್ಪೂರ್ತಿಯಾ ಗುವ ವಿಶೇಷ ಗುಣ, ಅವಕಾಶಗಳನ್ನು ಸದಾವಕಾಶಗಳನ್ನಾಗಿ ಮಾಡುವ ಚಾಣಾಕ್ಷತೆ, ನಿಸ್ವಾರ್ಥ ಮನೋಭಾವ ಇಲ್ಲಿನ ಕನ್ನಡಿಗರನ್ನು ಶ್ರೀಮಂತವಾಗಿಸಿದೆ. ಎಡರು ತೊಡರುಗಳಿಂದ ಕೂಡಿದ ಕ್ಷಿಷ್ಟವಾದ ಹಾದಿಯಲಿ ನಡೆದರೇನೇ ತƒಪ್ತಿಯ ಕಡಲನು ಸೇರಬಹುದು.
– ಡಾ| ವೆಂಕಟೇಶ ತುಪ್ಪಿಲ್‌