ನಾಪತ್ತೆಯಾದ ಯುವಕನ ಮೃತದೇಹ ಹೊಳೆಯಲ್ಲಿ ಪತ್ತೆ

Team Udayavani, Jul 13, 2023, 5:01 AM IST

ಕುಂಬಳೆ: ಕುಂಬಳೆ ಬಂಬ್ರಾಣ ಶಾಲೆಯ ಬಳಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದ ಕಲ್ಕುಳ ಲೋಕೇಶ್‌ ಅವರ ಪುತ್ರ ರಾಜೇಶ್‌ ಕುಮಾರ್‌ ಯಾನೆ ಪುಟ್ಟ (28)ಸೋಮವಾರ ಸಂಜೆಯಿಂದ ನಾಪತ್ತೆಯಾಗಿದ್ದು ಇವರ ಮೃತ ದೇಹ ಮಂಗಳೂರು ನೇತ್ರಾವತಿನದಿಯಲ್ಲಿ ತಡರಾತ್ರಿ ಪತ್ತೆಯಾಗಿದೆ.

ಉಳ್ಳಾಲ ಪೊಲೀಸ್‌ ಠಾಣೆಗೆ ಮಾಹಿತಿ ದೊರೆತು ಸ್ಥಳಕ್ಕಾಗಮಿಸಿ ಮೃತದೇಹವನ್ನು ಮಂಗಳೂರು ವೆನ್‌ಲಾಕ್‌ ಆಸ್ಪತ್ರೆಗೆ ಒಯ್ದು ಮನೆಯರಿಗೆ ತಿಳಿಸಿದರು.ಮನೆಯವರು ಆಸ್ಪತ್ರೆಗೆ ತೆರಳಿ ಗುರುತು ಪತ್ತೆ ಹಚ್ಚಿದರು. ಇವರು ಗಾರೆ ಕೆಲಸದವರಾಗಿದ್ದು ಸಾಮಾಜಿಕ ಸಂಘಟನೆ ಮತ್ತು ರಾಜಕೀಯದಲ್ಲಿ ಸಕ್ರಿಯರಾಗಿದ್ದರು.

ಮೊನ್ನೆ ಮನೆಯಿಂದ ತೆರಳುತ್ತಿರುವಾಗ ಮಿತ್ರರಿಗೆ ನಾನು ಸಾಯಲು ಹೋಗುವೆ ಎಂಬುದಾಗಿ ಮೊಬೈಲ್‌ಲ್ಲಿ ತಿಳಿಸಿ ಬಳಿಕ ಸ್ವಿಚ್‌ ಆಫ್‌ ಮಾಡಿರುವರು.ಆತ್ಮಹತ್ಯೆಗೆ ಕಾರಣವೇನೆಂಬುದಾಗಿ ತಿಳಿದಿಲ್ಲ.

ಮೃತರು ತಂದೆ, ತಾಯಿ,ಮತ್ತು ಓರ್ವ ಸಹೋದರನನ್ನು ಅಗಲಿದ್ದಾರೆ.ಕುಂಬಳೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿರುವರು.