ಉಪ್ಪಳ ಅಯ್ಯಪ್ಪ  ಮಂದಿರದಲ್ಲಿ  ಹರಿಕಥಾ ಸತ್ಸಂಗ

Team Udayavani, Jul 29, 2017, 5:15 AM IST

ಉಪ್ಪಳ: ಕರ್ಕಾಟಕ ಸಂಕ್ರಮಣದಿಂದ ಸಿಂಹ ಸಂಕ್ರಮಣದ ವರೆಗೆ 32 ದಿನಗಳ ಕಾಲ 32 ಶ್ರದ್ಧಾಕೇಂದ್ರಗಳಲ್ಲಿ ನಡೆಯಲಿರುವ ರಾಮಾಯಣ ಮಾಸಾಚರಣೆ ಹರಿಕಥಾ ಸತ್ಸಂಗದ 11ನೇ ದಿನ ಉಪ್ಪಳ ಶ್ರೀ ಅಯ್ಯಪ್ಪ ಮಂದಿರದಲ್ಲಿ ಯೋಗಾಚಾರ್ಯ ಹರಿದಾಸ ಪುಂಡರೀಕಾಕ್ಷ  ಬೆಳ್ಳೂರು ಅವರಿಂದ ರಾಮಾಯಣದ ಕಥೆಯ ಮುಂದುವರಿದ ಭಾಗ “ಶಬರಿ ಆತಿಥ್ಯ’ ಕಥಾಭಾಗ ನಡೆಯಿತು.

ಹಿಮ್ಮೇಳದಲ್ಲಿ  ಜಗದೀಶ್‌ ಮಂಗಲ್ಪಾಡಿ, ಪ್ರಕಾಶ್‌ ಆಚಾರ್ಯ ಕುಂಟಾರು ಸಹಕರಿಸಿದರು. ಪತ್ರಕರ್ತ ಜಗದೀಶ್‌ ಪ್ರತಾಪನಗರ ಸ್ವಾಗತಿಸಿದರು. ಶ್ರೀ ಅಯ್ಯಪ್ಪ  ಭಜನಾ ಮಂದಿರದ ಪ್ರಧಾನ ಕಾರ್ಯದರ್ಶಿ ಶಿವಾನಂದ ವಂದಿಸಿದರು. ಕಾರ್ಯಕ್ರಮದಲ್ಲಿ  ರಾಮಾಯಣ ಮಾಸಾಚರಣೆ ಸಮಿತಿಯ ಪದಾಧಿಕಾರಿಗಳಾದ ಅಶೋಕ್‌ ಬಂದ್ಯೋಡು, ಸದಾಶಿವ ಕಡಂಬಾರು, ಪದ್ಮನಾಭ ಮಯ್ನಾಳ, ಯತಿರಾಜ್‌ ಕೆದುಂಬಾಡಿ ಮತ್ತು  ಭಜನಾ ಮಂದಿರದ ಪ್ರಮುಖರು ಉಪಸ್ಥಿತರಿದ್ದರು. ಅಪಾರ ಸಂಖ್ಯೆಯ ಭಕ್ತಾದಿಗಳು ಪಾಲ್ಗೊಂಡಿದ್ದರು.