ಜಿಲ್ಲೆಯಿಂದ ಐಸಿಸ್‌ ಸೇರಿದವರ ಗುರುತು ದೃಢಪಡಿಸುವ ವೀಡಿಯೊ ಬಹಿರಂಗ

Team Udayavani, Jul 8, 2017, 2:35 AM IST

ಕೋಯಿಕ್ಕೋಡ್‌: ಅಫ್ಘಾನಿಸ್ಥಾನದ ನಂಗರ್‌ಹರ್‌ನಲ್ಲಿ ಸಾವನ್ನಪ್ಪಿರುವ ರಾಜ್ಯದ ಐವರು ಐಸಿಸ್‌ ಉಗ್ರರ ವೀಡಿಯೊ ಮತ್ತು ಫೋಟೊಗಳು ಸಾಮಾಜಿಕ ಮಾಧ್ಯಮ ದಲ್ಲಿ  ಹರಿದಾಡುತ್ತಿವೆ. ಅಫ್ಘಾನಿಸ್ಥಾನದ ಐಸಿಸ್‌ ಕ್ಯಾಂಪ್‌ನಿಂದಲೇ ಕೇರಳದ ಹುತಾತ್ಮರು ಎಂಬ ಈ ನಾಲ್ಕೂವರೆ ನಿಮಿಷದ ವೀಡಿಯೊ ವನ್ನು ಟೆಲಿಗ್ರಾಂ ಆ್ಯಪ್‌ ಮೂಲಕ ಬಹಿರಂಗ ಮಾಡ‌ಲಾಗಿದೆ. 

ಕಾಸರಗೋಡು, ಪಾಲಕ್ಕಾಡ್‌ನ‌ವರು ವೀಡಿಯೊದಲ್ಲಿರುವುದು ಮುರ್ಶಿದ್‌ ಮೊಹಮ್ಮದ್‌, ಹಫೀಸುದ್ದೀನ್‌, ಯಾಹ್ಯಾ ಮತ್ತು ಶಜೀರ್‌ ಅಬ್ದುಲ್ಲ. ಇನ್ನೋರ್ವ ವ್ಯಕ್ತಿಯ ಗುರುತು ಪತ್ತೆಯಾಗಿಲ್ಲ. ಆದರೆ ಆತ ಪಾಲಕ್ಕಾಡಿನ ಸಿಬಿ ಎನ್ನಲಾಗಿದೆ. 
ಟೆಲಿಗ್ರಾಂ ಆ್ಯಪ್‌ನಲ್ಲಿ ಐಸಿಸ್‌ ಉಗ್ರರ ಕೇರಳ ಎಕ್ಸ್‌ ಪೋಸ್ಡ್ ಎಂಬ ಗ್ರೂಪ್‌ ಇದೆ. ವೀಡಿಯೊ ಮೊದಲು ಈ ಗ್ರೂಪಿನಲ್ಲಿ ಕಾಣಿಸಿಕೊಂಡಿದೆ. ಎಲ್ಲ ಐದು ಮಂದಿ ಕಾಸರಗೋಡು ಮತ್ತು ಪಾಲಕ್ಕಾಡ್‌ನಿಂದ ಐಸಿಸ್‌ ಸೇರುವ ಸಲುವಾಗಿ ಹೋಗಿದ್ದವರು. 
 
ಸಾಮಾಜಿಕ ಮಾಧ್ಯಮದಲ್ಲಿ ಐಸಿಸ್‌ ಉಗ್ರರ ವೀಡಿಯೊ ಹರಿದಾಡುತ್ತಿರುವುದನ್ನು ರಾಷ್ಟ್ರೀಯ ತನಿಖಾ ಸಂಸ್ಥೆಯೂ ದೃಢಪಡಿಸಿದೆ. ವೀಡಿಯೊದ ನೈಜತೆಯನ್ನು ಪರಶೀಲಿಸು ತ್ತಿದ್ದೇವೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.