Kasaragod; ನೇಣು ಬಿಗಿದು ಯುವಕ ಆತ್ಮಹತ್ಯೆ

Team Udayavani, Feb 16, 2024, 10:55 PM IST

ಮುಳ್ಳೇರಿಯ: ನೆಟ್ಟಣಿಗೆ ಪಾದೆಗದ್ದೆ ನಿವಾಸಿ ರಾಮ ನಾಯ್ಕ ಅವರ ಪುತ್ರ ಬಾಲಕೃಷ್ಣ (44) ಮನೆ
ಯೊಳಗೆ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡ ಘಟನೆ ನಡೆದಿದೆ.

ಟ್ಯಾಪಿಂಗ್‌ ಕಾರ್ಮಿಕನ ಶವ ಪತ್ತೆ
ಕಾಸರಗೋಡು: ಟ್ಯಾಪಿಂಗ್‌ ಕಾರ್ಮಿಕ ಪತ್ತನಂತಿಟ್ಟ ನಿವಾಸಿಯಾದ ಶಾಜಿ ಯಾನೆ ಶಾಜಹಾನ್‌ (54) ಅವರ ಮೃತ ದೇಹ ಪುಲ್ಲೂರು ಎಡಮುಂಡ ಕೋಟಕೊಚ್ಚಿಯ ರಬ್ಬರ್‌ ತೋಟದಲ್ಲಿರುವ ಮನೆಯಲ್ಲಿ ಪತ್ತೆಯಾಗಿದೆ. ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.

ವಿದ್ಯಾರ್ಥಿಯನ್ನು ದೂಡಿ ಹಾಕಿದ ಘಟನೆ
ಆರು ಮಂದಿ ಸಹಪಾಠಿಗಳ ವಿರುದ್ಧ ಕೇಸು
ಕಾಸರಗೋಡು: ಶಾಲೆ ಬಿಟ್ಟು ಮನೆಗೆ ನಡೆದು ಹೋಗುತ್ತಿದ್ದ ಹತ್ತನೇ ತರಗತಿ ವಿದ್ಯಾರ್ಥಿಯನ್ನು ದೂಡಿ ಹಾಕಿ ಗಂಭೀರ ಗಾಯಗೊಳಿಸಿದ ಘಟನೆಗೆ ಸಂಬಂಧಿಸಿ ಸಹಪಾಠಿಗಳಾದ ಆರು ಮಂದಿ ವಿರುದ್ಧ ಬೇಕಲ ಪೊಲೀಸರು ಕೇಸು ದಾಖಲಿಸಿದ್ದಾರೆ. ಬೇಕಲ ಪೊಲೀಸ್‌ ಠಾಣೆ ವ್ಯಾಪ್ತಿಯ ಸರಕಾರಿ ಹೈಯರ್‌ ಸೆಕೆಂಡರಿ ಶಾಲೆಯೊಂದರ ವಿದ್ಯಾರ್ಥಿಯನ್ನು ದೂಡಿ ಹಾಕಿ ಗಾಯಗೊಳಿಸಲಾಗಿದೆ.