Kasaragod ಅಪರಾಧ ಸುದ್ದಿಗಳು

Team Udayavani, Sep 19, 2024, 7:34 PM IST

24.79 ಲಕ್ಷ ರೂ. ಕಾಳಧನ ವಶಕ್ಕೆ
ಕಾಸರಗೋಡು: ಸರಿಯಾದ ದಾಖಲೆ ಪತ್ರಗಳಿಲ್ಲದೆ ಕಾರಿನಲ್ಲಿ ಸಾಗಿಸುತ್ತಿದ್ದ 24.79 ಲಕ್ಷ ರೂ. ಕಾಳಧನವನ್ನು ಹೊಸದುರ್ಗ ಪೊಲೀಸರು ವಶಪಡಿಸಿಕೊಂಡು, ಈ ಸಂಬಂಧ ಪಳ್ಳಿಕೆರೆ ಕಲ್ಲಿಂಗಾಲ್‌ ನಿವಾಸಿ ಶಂಸು ಆಲಿಯಾಸ್‌ ಸನಾ ಶಂಸು(62)ನನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸುತ್ತಿದ್ದಾರೆ. ‌

ಹೊಸದುರ್ಗ ಡಿವೈಎಸ್‌ಪಿ ಬಾಬು ಪೆರಿಂಙೋತ್ ನೀಡಿದ ನಿರ್ದೇಶದಂತೆ ಹೊಸದುರ್ಗ ಎಸ್‌ಐ ವಿ.ಪಿ. ಅಖೀಲ್‌ ನೇತೃತ್ವದಲ್ಲಿ ಪೊಲೀಸರು ಹೊಸದುರ್ಗದ ಮಡಿಯನ್‌ನಲ್ಲಿ ಕಾರ್ಯಾಚರಣೆ ನಡೆಸಿದ್ದರು.

ವೈದ್ಯ ದಂಪತಿಯ ಕಾರುಗಳಿಗೆ ಹಾನಿ
ಕಾಸರಗೋಡು: ಕಾಸರಗೋಡು ಜನರಲ್‌ ಆಸ್ಪತ್ರೆಯ ವೈದ್ಯ ಹಾಗೂ ವೈದ್ಯೆ ಪತ್ನಿ ಕಾರುಗಳ ಗಾಜುಗಳನ್ನು ಕಲ್ಲು ಹೊಡೆದು ಹಾನಿಗೈದ ಘಟನೆ ನಡೆದಿದೆ. ಡಾ| ಅಭಿಜಿತ್‌ ದಾಸ್‌, ಪತ್ನಿ ಡಾ| ದಿವ್ಯಾ ಅವರ ಕಾರುಗಳಿಗೆ ಹಾನಿ ಮಾಡಲಾಗಿದೆ. ಈ ಇಬ್ಬರು ವಾಸಿಸುವ ಕಾಂಞಂಗಾಡ್‌ ಉದಯಾಂಕುನ್ನಿನ ಬಾಡಿಗೆ ಮನೆ ಮುಂದೆ ಕಾರುಗಳನ್ನು ನಿಲ್ಲಿಸಲಾಗಿತ್ತು. ಡಾ| ಅಭಿಜಿತ್‌ ದಾಸ್‌ರ ಹೋಂಡಾ ಸಿಟಿ ಕಾರು, ಡಾ| ದಿವ್ಯಾ ಅವರ ಆಲ್ಟೋ ಕಾರಿಗೆ ಸೆ. 18ರಂದು ತಡರಾತ್ರಿ 1 ಗಂಟೆಗೆ ಹಾನಿಗೊಳಿಸಲಾಗಿದೆ. ಹೊಸದುರ್ಗ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.