Kasaragod: ಮೆಟ್ರೋಲಜಿ ಅಧಿಕಾರಿಗಳಿಂದ ತಪಾಸಣೆ; ವಂಚನೆ ಪತ್ತೆ

Team Udayavani, Sep 14, 2024, 10:57 PM IST

ಕಾಸರಗೋಡು: ಜಿಲ್ಲೆಯಲ್ಲಿ ಎಲೆಕ್ಟ್ರಾನಿಕ್ಸ್‌ ಹೋಂ ಅಪ್ಲಾಯನ್ಸ್‌ ಶೋರೂಂ, ಮೊಬೈಲ್‌ ಫೋನ್‌ ಹಾಗು ಅದಕ್ಕೆ ಸಂಬಂಧಪಟ್ಟ ಸಾಮಗ್ರಿಗಳನ್ನು ಮಾರಾಟ ಮಾಡುವ ಅಂಗಡಿಗಳಲ್ಲಿ ವ್ಯಾಪಕ ವಂಚನೆ ನಡೆಯುತ್ತಿದೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ಲೀಗಲ್‌ ಮೆಟ್ರೋಲಜಿ ಇಲಾಖೆ ಅಧಿಕಾರಿಗಳು ಅಂಗಡಿಗಳಿಗೆ ದಾಳಿ ನಡೆಸಿದರು.

ಮೊಬೈಲ್‌ ಚಾರ್ಜರ್‌ ಡಾಟಾ ಕೇಬಲ್‌ಗ‌ಳ ಉದ್ದ ದಾಖಲಿಸದ ಹಿನ್ನೆಲೆಯಲ್ಲಿ ಮೂರು ಕಂಪೆನಿಗಳ ಪ್ಯಾಕೆಟ್‌ಗಳನ್ನು ವಶಪಡಿಸಿ ಕೇಸು ದಾಖಲಿಸಿದೆ. ಎಂಆರ್‌ಪಿ 299 ರೂ.ಗಳಿದ್ದ ಪ್ಯಾಕೆಟ್‌ಗಳಲ್ಲಿ ಸ್ಟಿಕ್ಕರ್‌ ಬಳಸಿ 499 ರೂ. ಎಂದು ದಾಖಲಿಸಿದ ಇಯರ್‌ ಫೋನ್‌ ಪ್ಯಾಕೆಟ್‌ಗಳನ್ನು ವಶಪಡಿಸಲಾಗಿದೆ.

ಇಯರ್‌ ಫೋನ್‌ ಪ್ಯಾಕೆಟ್‌ಗಳಲ್ಲಿ ತಯಾರಿ ದಿನಾಂಕ ಅಕ್ಟೋಬರ್‌ 2024, ನವಂಬರ್‌ 2024 ಎಂದು ದಾಖಲಿಸಿದವುಗಳನ್ನು ವಶಪಡಿಸಿಕೊಳ್ಳಲಾಗಿದೆ.