Kasaragod ಲಾರಿ-ಬೈಕ್‌ ಢಿಕ್ಕಿ: ವಿದ್ಯಾರ್ಥಿ ಸಾವು

Team Udayavani, Dec 23, 2023, 11:37 PM IST

ಕಾಸರಗೋಡು: ಬೇವಿಂಜೆ ತಿರುವಿನಲ್ಲಿ ಲಾರಿ ಅಡಿಗೆ ಬೈಕ್‌ ಸಿಲುಕಿ ಬೈಕ್‌ನ ಹಿಂಭಾಗದಲ್ಲಿ ಕುಳಿತಿದ್ದ ವಿದ್ಯಾರ್ಥಿ ಎರಿಯಪ್ಪಾಡಿಯ ಅಬ್ದುಲ್ಲ ಅವರ ಪುತ್ರ, ನಾಯಮ್ಮಾರಮೂಲೆ ಟಿಐಎಚ್‌ಎಸ್‌ಎಸ್‌ನ ಪ್ಲಸ್‌ ವನ್‌ ವಿದ್ಯಾರ್ಥಿ ಶಿಹಾಬ್‌(17) ಸಾವಿಗೀಡಾದ ಘಟನೆ ನಡೆದಿದೆ.

ಬೈಕ್‌ ಚಲಾಯಿಸುತ್ತಿದ್ದ ಯುವಕ ಎರಿಯಪ್ಪಾಡಿಯ ಆದಿಲ್‌ ಗಂಭೀರ ಗಾಯಗೊಂಡಿದ್ದಾರೆ. ಲಾರಿ ಯನ್ನು ವಿದ್ಯಾನಗರ ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಜೀಪು ಢಿಕ್ಕಿ ಹೊಡೆದು ಬಾಲಕಿ ಸಾವು
ಕಾಸರಗೋಡು: ಮನೆಯಿಂದ ನಾಪತ್ತೆಯಾಗಿದ್ದ ಕೊಡಕ್ಕಾಡ್‌ ವೆಳ್ಳಚ್ಚಾಲ್‌ ಶಾಂತಿ ನಿಲಯದ ಸುರೇಶ್‌ ಅವರ ಪುತ್ರಿ ಆದಿಯ ಸುರೇಶ್‌(17) ಪಾಲಕುನ್ನು ರಾಜ್ಯ ಹೆದ್ದಾರಿಯಲ್ಲಿ ಜೀಪು ಢಿಕ್ಕಿ ಹೊಡೆದು ಸಾವಿಗೀಡಾದ ಘಟನೆ ನಡೆದಿದೆ. ಡಿ.22 ರಂದು ರಾತ್ರಿ ಬಾಲಕಿ ನಾಪತ್ತೆಯಾಗಿದ್ದಳು.