Kasaragod: ಕೇರಳದಿಂದ ಕರ್ನಾಟಕಕ್ಕೆ ಪಲಾಯನಗೊಂಡಿದ್ದ ನಕ್ಸಲರು

Team Udayavani, Nov 20, 2024, 7:25 AM IST

ಕಾಸರಗೋಡು: ನಕ್ಸಲ್‌ ನಾಯಕ್‌ ಮೊದುನನ್ನು ಕೇರಳ ಪೊಲೀಸರು ಇತ್ತೀಚೆಗೆ ಆಲಪ್ಪುಳದಿಂದ ಬಂಧಿಸಿದ್ದರು.

ಈ ಸಂದರ್ಭದಲ್ಲಿ ಆತನ ತಂಡದ ಇತರರ ಪತ್ತೆಗಾಗಿ ಕಾರ್ಯಾಚರಣೆ ತೀವ್ರಗೊಳಿಸಿದ ಕಾರಣದಿಂದ ಕೇರಳ ಅರಣ್ಯ ಪ್ರದೇಶಗಳಲ್ಲಿ ನಕ್ಸಲ್‌ ಚಟುವಟಿಕೆಗಳಲ್ಲಿ ತೊಡಗಿದ್ದ ಮಾವೋವಾದಿ ಮಿಲಿಟರಿ ಆಪರೇಶನ್‌ ಮುಖ್ಯಸ್ಥನಾಗಿದ್ದ ವಿಕ್ರಂ ಗೌಡ, ಜಿಷಾ, ಜಯಣ್ಣ, ಮುಂಡುಗಾರು ಲತಾ, ವನಜಾಕ್ಷಿ ಮತ್ತು ಸುಂದರಿ ಕೇರಳದಿಂದ ತಪ್ಪಿಸಿಕೊಂಡು ಕರ್ನಾಟಕದ ದಟ್ಟಾರಣ್ಯ ಪ್ರದೇಶಗಳಿಗೆ ಪಲಾಯನಗೈದಿದ್ದರು. ಅಲ್ಲಿ ತಮ್ಮ ಚಟುವಟಿಕೆ ಮುಂದುವರಿಸಿದ್ದರು.

2016 ರಲ್ಲಿ ಕೇರಳ ನಕ್ಸಲ್‌ ನಿಗ್ರಹ ಪಡೆ ಮತ್ತು ತಂಡರ್‌ ಬೋಲ್ಟ್ ನಿಲಾಂಬೂರಿನಲ್ಲಿ ಮಾವೋವಾದಿಗಳ ಪತ್ತೆಗಾಗಿ ನಡೆಸಿದ ಕಾರ್ಯಾಚರಣೆಯಲ್ಲಿ ವಿಕ್ರಂ ಗೌಡ ತಪ್ಪಿಸಿಕೊಂಡಿದ್ದನು.