Kerala; ವಿದ್ಯಾರ್ಥಿ ತರಗತಿಗೆ ಬರದಿದ್ದಲ್ಲಿ ತತ್‌ಕ್ಷಣ ಪೋಷಕರಿಗೆ ಮಾಹಿತಿ

Team Udayavani, May 14, 2024, 11:49 PM IST

ಪೆರ್ಲ: ತರಗತಿಗಳು ಆರಂಭಗೊಂಡು ನಿಗದಿತ ಸಮಯದೊಳಗೆ ವಿದ್ಯಾರ್ಥಿಗಳು ಬಾರದೆ ಇದ್ದಲ್ಲಿ ಆ ವಿಷಯವನ್ನು ತತ್‌ಕ್ಷಣ ಹೆತ್ತವರು/ ಪೋಷಕರಿಗೆ ಕರೆಮಾಡಿ ತಿಳಿಸಬೇಕು ಎಂದು ಕೇರಳ ರಾಜ್ಯ ಸಾರ್ವತ್ರಿಕ ಶಿಕ್ಷಣ ನಿರ್ದೇಶಕರು ಎಲ್ಲ ಶಾಲೆಗಳಿಗೂ ನಿರ್ದೇಶ ನೀಡಿದ್ದಾರೆ.

ಮಕ್ಕಳು ಮನೆಯಿಂದ ಶಾಲೆಗೆಂದು ಹೊರಟು ಬಳಿಕ ಶಾಲೆಗೆ ತಲುಪದಿದ್ದಲ್ಲಿ ಆ ವಿಷಯವನ್ನು ಪೊಲೀಸರಿಗೂ ತಿಳಿಸಬೇಕೆಂದು ನಿರ್ದೇಶಕರು ತಿಳಿಸಿದ್ದಾರೆ. ಶಾಲೆಗಳಲ್ಲಿ ಸ್ಥಿರ ದೂರವಾಣಿ ಸರಿಯಾಗಿ ಕಾರ್ಯವೆಸಗುತ್ತಿದೆಯೇ ಎಂಬುದನ್ನು ಖಾತರಿಪಡಿಸಿಕೊಳ್ಳಬೇಕು. ಈ ಶೈಕ್ಷಣಿಕ ವರ್ಷ ಪುನರಾರಂಭಗೊಳ್ಳುವ ಮೊದಲು ಮೇ 25ರಿಂದ 30 ರೊಳಗಾಗಿ ಆಯಾ ಜಿಲ್ಲಾ ಶಿಕ್ಷಣಾಧಿಕಾರಿಗಳು ಮತ್ತು ಉಪಶಿಕ್ಷಣಾಧಿಕಾರಿಗಳು ಶಾಲೆಗಳಿಗೆ ನೇರವಾಗಿ ಭೇಟಿ ನೀಡಿ ಸ್ಥಿತಿಗತಿಗಳ ಬಗ್ಗೆ ಪರಿಶೀಲಿಸಬೇಕೆಂದು ನಿರ್ದೇಶಕರು ತಿಳಿಸಿದ್ದಾರೆ.