ಕೇರಳ ಪ್ರಾಂತ ಕನ್ನಡ ಅಧ್ಯಾಪಕರ ಸಂಘದ ಆಮಂತ್ರಣ ಪತ್ರಿಕೆ ಬಿಡುಗಡೆ

Team Udayavani, Jul 27, 2017, 7:25 AM IST

ಕುಂಬಳೆ: ಕೇರಳ ಪ್ರಾಂತ ಕನ್ನಡ ಅಧ್ಯಾಪಕರ ಸಂಘ ಮಂಜೇಶ್ವರ ಉಪಜಿಲ್ಲಾ ಸಮಿತಿ ಮಹಾಸಭೆಯು ಆ.28ರಂದು ಐಲ ಎಸ್‌.ಬಿ.ಎ.ಯು.ಪಿ. ಶಾಲೆಯಲ್ಲಿ ಜರಗಲಿರುವುದು. ಕಾರ್ಯಕ್ರಮದ ಆಮಂತ್ರಣ ಪತ್ರಿಕೆಯನ್ನು ಕೈಕಂಬ ಪಂಚಮಿ ಸಭಾಭವನದಲ್ಲಿ ಜರಗಿದ ಸಮಾರಂಭದಲ್ಲಿ ಉಪಜಿಲ್ಲಾ ಅಧ್ಯಕ್ಷ ಶ್ರೀನಿವಾಸ ರಾವ್‌ಬಿಡುಗಡೆಗೊಳಿಸಿದರು. 
ಕಾರ್ಯಕ್ರಮವನ್ನು ಮಂಗಳೂರು ವಿಶ್ವವಿದ್ಯಾಲಯದ ಕನ್ನಡ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಧನಂಜಯ ಕುಂಬ್ಳೆ ಉದ್ಘಾಟಿಸಲಿರುವುರು.

ಅಧ್ಯಾಪಕ ಸಂಘಟನೆಯ ಮಂಜೇಶ್ವರ ಉಪಜಿಲ್ಲಾ ಅಧ್ಯಕ್ಷ ಶ್ರೀನಿವಾಸ ರಾವ್‌ ಅಧ್ಯಕ್ಷೆ ವಹಿಸುವರು. ಕರ್ನಾಟಕ ಸಮಿತಿ ಅಧ್ಯಕ್ಷ ನ್ಯಾಯವಾದಿ ಮುರಳೀಧರ ಬಳ್ಳಕ್ಕುರಾಯ, ಮಂಜೇಶ್ವರ ಉಪಜಿಲ್ಲಾ ವಿದ್ಯಾಧಿಕಾರಿ ದಿನೇಶ್‌ ವಿ., ಬಿ.ಪಿ.ಒ. ವಿಜಯಕುಮಾರ್‌ ಪಾವಳ, ಬೋವಿ ಶಾಲೆಯ ವ್ಯವಸ್ಥಾಪಕ ವಾಸುದೇವ ಕೆ.ಐಲ್‌.ಅತಿಥಿಗಳಾಗಿ ಭಾಗವಹಿಸಲಿರುವರು. 

ಸಂಘಟನೆಯ ಕೇಂದ್ರ ಸಮಿತಿ ಅಧ್ಯಕ್ಷ ಟಿ.ಡಿ. ಸದಾಶಿವ ರಾವ್‌, ಸದಸ್ಯ ಶ್ರೀಕುಮಾರಿ, ಅಶೋಕ್‌ ಕೊಡ್ಲಮೊಗರು ಬೋವಿ ಶಾಲಾ ಮುಖ್ಯ ಶಿಕ್ಷಕ ಮೋಹನ್‌ ಉಪಸ್ಥಿತರಿರುವರು.

ಬೆಳಗ್ಗೆ 10 ಗಂಟೆಗೆ ಧ್ವಜಾರೋಹಣದ ಬಳಿಕ ನಡೆಯುವ ಪ್ರತಿನಿಧಿ ಸಮೇ¾ಳನದಲ್ಲಿ ಸಂಘಟನೆಯ ನಾಯಕರಾದ ಸತ್ಯನಾರಾಯಣ ಭಟ್‌,ಪದ್ಮಾವತಿ ಐಲ್‌, ಸುರೇಶ್‌, ಶಿವರಾಮ ಭಟ್‌, ಜೋÂತಿ ಕುಮಾರಿ ಭಾಗವಹಿಸಲಿರುವರು.
ಪದಾಧಿಕಾರಿಗಳಾದ ಪದ್ಮಾವತಿ,ಕೃಷ್ಣಮೂರ್ತಿ,ಜೀವನ್‌ ಕುಮಾರ್‌, ಸದಾಶಿವ, ಶಿವರಾಮ ಭಟ್‌, ಸುನಿಲ್‌ ಕುಮಾರ್‌, ಚಂದ್ರಕಾಂತ, ಉಮೇಶ ಉಪಸ್ಥಿತರಿದ್ದರು. ಅಶೋಕ್‌ ಕೊಡ್ಲಮೊಗರು ಸ್ವಾಗತಿಸಿದರು. ಜಯಪ್ರಕಾಶ್‌ ಪಾಲೆಂಗ್ರಿ ವಂದಿಸಿದರು.