Kumbla: ಕುಸಿದು ಬೀಳುವ ಅಪಾಯದಲ್ಲಿದೆ ಉರ್ಮಿ-ಪಲ್ಲೆಕೂಡೆಲು ಕಿರು ಸೇತುವೆ

Team Udayavani, Oct 17, 2024, 2:56 PM IST

ಕುಂಬಳೆ: ಪೈವಳಿಕೆ ಗ್ರಾಮ ಪಂಚಾಯತ್‌ನ 19ನೇ ವಾರ್ಡ್‌ ಉರ್ಮಿ-ಪಲ್ಲೆಕೂಡೆಲು ಎಂಬಲ್ಲಿರುವ ಕಿರು ಸೇತುವೆ ಕುಸಿದು ಬೀಳುವ ಹಂತದಲ್ಲಿದೆ. ಈಗಾಗಲೇ ಈ ಕಿರು ಸೇತುವೆ ಉತ್ತರಭಾಗಕ್ಕೆ ತಾಗಿ ಕೊಂಡಿರುವ ತಡೆಗೋಡೆ ಕೊರೆದು, ಕುಸಿದು ಬೀಳುವ ಎಲ್ಲ ಸಾಧ್ಯತೆ ಇದೆ. ಈ ಭಾಗದ ಸಾಧಾರಣ 300 ಕುಟುಂಬಗಳ ಸಂಪರ್ಕ ಸೇತು ವಾಗಿದೆ. ಈಗಾಗಲೇ ವಾಹನಗಳ ಸಂಚಾರ ಮೊಟಕುಗೊಂಡಿದೆ. 35 ವರ್ಷಗಳ ಹಿಂದೆ ನಿರ್ಮಾಣಗೊಂಡ ಈ ಭಾಗಕ್ಕೆ ಏಕೈಕ ಒಂದೇ ಸೇತುವೆ ಇದಾಗಿದೆ.

ಈ ಸೇತುವೆ ಮೂಲಕ ಕೊಮ್ಮಂಗಳ, ಕೊರತಿಪಾರೆ, ಸೋಲಾರ್‌ಪ್ಲಾಂಟ್‌, ಪಲ್ಲೆಕೂಡೆಲು, ಕುರಿಯ, ಕುರುಡಪದವು, ಸುಂಕದಕಟ್ಟೆ-ಬೇಡಗುಡ್ಡೆ ಮೂಲಕ ಕರ್ನಾಟಕಕ್ಕೆ ಹತ್ತಿರದ ಗಡಿ-ರಸ್ತೆಯನ್ನು ಸಂರ್ಪಕಿಸುತ್ತದೆ. ಸಂಬಂಧಪಟ್ಟ ಅಧಿಕಾರಿಗಳು, ಇಲಾಖೆಯು ತತ್‌ಕ್ಷಣ ಗಮನಹರಿಸಿ ಸೂಕ್ತ ಕ್ರಮ ಕೈಗೊಳ್ಳಬೇಕಾಗಿ ಸಾರ್ವಜನಿಕರು ಆಗ್ರಹಿಸಿದ್ದಾರೆ.