ಮೋದಿ ಪ್ರಮಾಣ: ವಿವಾದಕ್ಕೆಡೆಯಾದ ಲಡ್ಡು ವಿತರಣೆ

Team Udayavani, Jun 1, 2019, 9:23 AM IST

ಕಾಸರಗೋಡು: ನರೇಂದ್ರ ಮೋದಿ ಪ್ರಮಾಣ ವಚನದ ಅಂಗವಾಗಿ ಎ.ಆರ್‌. ಕ್ಯಾಂಪ್‌ನಲ್ಲಿ ಪೊಲೀಸ್‌ ಸಿಬಂದಿಯೋರ್ವ ಲಡ್ಡು ವಿತರಿಸಿದ್ದು ವಿವಾದಕ್ಕೆಡೆಯಾಗಿದೆ.

ಕೇಸರಿ ಬಣ್ಣದ ಲಡ್ಡು ವಿತರಿಸಲಾಗಿತ್ತು. ಮೆಸ್‌ನಲ್ಲಿ ಅನುಮತಿ ಇಲ್ಲದೆ ಲಡ್ಡು ವಿತರಿಸಬಾರದು ಎಂದಾಗ ಹೊರಗೆ ಕೊಂಡು ಹೋಗಿ ಪೊಲೀಸರಿಗೆ ಲಡ್ಡು ವಿತರಿಲಾಯಿತು. ಈ ಘಟನೆ ವಿವಾದವಾಗುತ್ತಿದ್ದಂತೆ ಎಎಸ್‌ಪಿ, ಸ್ಪೆಶಲ್‌ ಬ್ರಾಂಚ್‌ ಡಿವೈಎಸ್‌ಪಿ ಅವರಲ್ಲಿ ಸ್ಪಷ್ಟೀಕರಣ ಕೇಳಿದ್ದಾಗಿ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಜೇಮ್ಸ್‌ ಜೋಸೆಫ್‌ ತಿಳಿಸಿದ್ದಾರೆ.

ತನ್ನ ಹುಟ್ಟು ಹಬ್ಬದ ಅಂಗವಾಗಿ ಲಡ್ಡು ವಿತರಿಸಿದ್ದಾಗಿ ಪೊಲೀಸ್‌ ಸಿಬಂದಿ ಹೇಳಿದ್ದಾರೆ. ಈ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸ್‌ ಅಧಿಕಾರಿಗಳು ತಿಳಿಸಿದ್ದಾರೆ. ರಾಜಕೀಯ ಪಕ್ಷಗಳ ವಿಜಯೋತ್ಸವ, ಇನ್ನಿತರ ವಿಷಯಗಳಿಗೆ ಪೊಲೀಸ್‌ ಕೇಂದ್ರವನ್ನು ವೇದಿಕೆಯನ್ನಾಗಿ ಮಾಡಬಾರದು ಎಂಬುದು ಪೊಲೀಸ್‌ ನಿಯಮ.