Sandalwood: ಶ್ರೀಗಂಧ ಕೊರಡು ಸಹಿತ ಬಂಧನ

Team Udayavani, Mar 21, 2024, 10:37 AM IST

ಕಾಸರಗೋಡು: ಸ್ಕೂಟರ್‌ನಲ್ಲಿ ಅಕ್ರಮವಾಗಿ ಸಾಗಿಸುತ್ತಿದ್ದ 5.5 ಕಿಲೋ ಶ್ರೀಗಂಧ ಕೊರಡುಗಳನ್ನು ಚುನಾವಣ ಫ್ಲೈಯಿಂಗ್‌ ಸ್ಕ್ವ್ಯಾಡ್‌ ವಶ ಪಡಿಸಿಕೊಂಡಿದ್ದು, ಈ ಸಂಬಂಧ ಮುಳಿಯಾರು ಬಾವಿ ಕೆರೆಯ ಕೆ.ಮೂಸಾ (32) ಎಂಬಾತನನ್ನು ಬಂಧಿಸಿದೆ.

ಹೊಸದುರ್ಗ ಮಡಿಕೈ ವಾಚ್ಚಿಕ್ಕಾನದಲ್ಲಿ ಹೊಸದುರ್ಗ ವಿಧಾನಸಭಾ ಕ್ಷೇತ್ರದ ಪ್ಲೈಯಿಂಗ್‌ ಸ್ಕ್ವ್ಯಾಡ್‌ ಸೆಕ್ಟರ್‌ ನ ಮ್ಯಾಜಿಸ್ಟ್ರೇಟ್‌ ಹಾಗೂ ಕಯ್ಯೂರು-ಚೀಮೇನಿ ಪಂಚಾಯತ್‌ ಕಾರ್ಯದರ್ಶಿ ರಮೇಶನ್‌, ಅರಣ್ಯ ಅಧಿಕಾರಿಗಳು ಮತ್ತು ನೀಲೇಶ್ವರ ಎಸ್‌ಐ ಕೆ.ವಿ. ಮಧುಸೂದನನ್‌ ನೇತೃತ್ವದಲ್ಲಿ ಶ್ರೀಗಂಧ ವಶಪಡಿಸಲಾಯಿತು.

ಸ್ಕೂಟರ್‌ ಹಾಗೂ ಶ್ರೀಗಂಧದ ಮರಗಳನ್ನು ಕಡಿಯಲು ಬಳಸಲಾದ ಮೂರು ಕೊಡಲಿಗಳು, ಗರಗಸ ಮತ್ತಿತರ ಸಾಮಗ್ರಿಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಆರೋಪಿಗೆ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.