ನವಜೀವನ ಸ್ಟೂಡೆಂಟ್‌ ಪೊಲೀಸ್‌ ತಂಡ ಆಯ್ಕೆ

Team Udayavani, May 7, 2019, 6:17 AM IST

ಬದಿಯಡ್ಕ: ಪೆರಡಾಲ ನವಜೀವನ ಹೈಯರ್‌ ಸೆಕೆಂಡರಿ ಶಾಲೆಯ ಸ್ಟೂಡೆಂಟ್‌ ಪೊಲೀಸ್‌ ತಂಡವು ಜಿಲ್ಲೆಯ ಮೂರನೇ ಅತ್ಯುತ್ತಮ “ಪ್ಲಟೂನ್‌’ ಆಗಿ ಹೊರಹೊಮ್ಮಿದೆ. ಉದಿನೂರು ಜಿ.ಎಚ್‌.ಎಸ್‌.ನಲ್ಲಿ 5 ದಿನಗಳ ಕಾಲ ನಡೆದ ಬೇಸಿಗೆ ಶಿಬಿರದಲ್ಲಿ ಒಟ್ಟು 27 ತಂಡಗಳು ಭಾಗವಹಿಸಿದ್ದವು. ನವಜೀವನ ಶಾಲೆ ವಿದ್ಯಾರ್ಥಿ ಪೊಲೀಸ್‌ ತಂಡವು ಶ್ರೇಷ್ಠಮಟ್ಟದ ಪ್ರದರ್ಶನವನ್ನು ನೀಡಿ ಗಮನ ಸೆಳೆದು ಮೂರನೇ ಸ್ಥಾನವನ್ನು ಪಡೆದುಕೊಂಡಿತು.

2016ರಲ್ಲಿ ನವಜೀವನ ಶಾಲೆಯಲ್ಲಿ ಸ್ಟೂಡೆಂಟ್‌ ಪೊಲೀಸ್‌ ತಂಡವು ಅಸ್ತಿತ್ವದಲ್ಲಿ ಬಂದಿತ್ತು. ಈ ತಂಡದ ಮೂಲಕ ಶಾಲೆಯಲ್ಲಿ ಶಿಸ್ತು, ಶುಚಿತ್ವ ಹಾಗೂ ಸಮಾಜಮುಖೀ ಚಟುವಟಿಕೆಗಳು ನಿರಂತರವಾಗಿ ನಡೆದು ಬರುತ್ತಿತ್ತು.

ಕಳೆದ ವರ್ಷವೂ ನವಜೀವನ ಶಾಲೆಯ ತಂಡವು ಪ್ರಶಸ್ತಿಯನ್ನು ಪಡೆದುಕೊಂಡಿದೆ. ತರಬೇತುದಾರರಾಗಿ ಕೃಷ್ಣ ಯಾದವ್‌, ಎ.ಸಿ.ಪಿ.ಒ. ವ®ಜಾ ಕುಮಾರಿ, ಬದಿಯಡ್ಕ ಪೊಲೀಸ್‌ ಠಾಣೆಯ ಡಿ.ಐ. ಆಗಿ ಶಿವರಾಮ, ಡಬುÉÂ.ಡಿ.ಐ. ಆಗಿ ಶ್ರುತಿ ತರಬೇತು ನೀಡಿದ್ದರು. ತಂಡದ ಸಾಧನೆಗೆ ಶಾಲಾ ವ್ಯವಸ್ಥಾಪಕ ಮಂಡಳಿ, ರಕ್ಷಕ ಶಿಕ್ಷಕ ಸಂಘ, ಅಧ್ಯಾಪಕವೃಂದ ು ಅಭಿನಂದನೆಯನ್ನು ಸಲ್ಲಿಸಿದೆ.