ಕೋವಿಡ್ 19 ಸೋಂಕು: ಕೊಡಗಿನಲ್ಲಿ ಓರ್ವ ಸಾವು; 5 ಪಾಸಿಟಿವ್‌

Team Udayavani, Jul 27, 2020, 6:10 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಮಡಿಕೇರಿ: ಕೊಡಗು ಜಿಲ್ಲೆಯ ಐವರಲ್ಲಿ ರವಿವಾರ ಕೋವಿಡ್ 19 ಸೋಂಕು ದೃಢಪಟ್ಟಿದೆ.

ವೀರಾಜ ಪೇಟೆ ಮೊಗರಗಲ್ಲಿಯ 46 ವರ್ಷದ ಪುರುಷ ಮೃತಪಟ್ಟಿದ್ದಾರೆ.

ಸೋಂಕಿತರ ಸಂಖ್ಯೆ 348ಕ್ಕೆ, ಮೃತರ ಸಂಖ್ಯೆ ಆರಕ್ಕೆ ಏರಿಕೆಯಾಗಿದೆ.

ಮಡಿಕೇರಿಯ ಸ್ಟಿವರ್ಟ್‌ಹಿಲ್‌ ರಸ್ತೆ ಮತ್ತು ಪುಟಾಣಿನಗರದ ಪುರುಷರು, ಆಜಾದ್‌ ನಗರದ ಮಹಿಳೆ, ಕುಶಾಲನಗರ ಹುಲುಸೆ ವೃದ್ಧೆ, ಬೆಂಗಳೂರು ಪ್ರಯಾಣ ಇತಿಹಾಸವಿರುವ ಗರ್ಭಿಣಿಯಲ್ಲಿ ಸೋಂಕು ದೃಢಪಟ್ಟಿದೆ.

ಕಾಸರಗೋಡು: ವೃದ್ಧ  ಸಾವು; 107 ಪಾಸಿಟಿವ್‌
ಜಿಲ್ಲೆಯ 107 ಮಂದಿಗೆ ರವಿವಾರ ಕೋವಿಡ್ 19 ಸೋಂಕು ದೃಢಪಟ್ಟಿದೆ. ಕುಂಬಳೆ ಆರಿಕ್ಕಾಡಿಯ 70 ವರ್ಷದ ವೃದ್ಧ ಪರಿಯಾರಂ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ. ಇದರೊಂದಿಗೆ ಜಿಲ್ಲೆಯಲ್ಲಿ ಕೋವಿಡ್ 19 ಸೋಂಕಿನಿಂದ ಮೃತಪಟ್ಟವರ ಸಂಖ್ಯೆ ಐದಕ್ಕೇರಿದೆ. ಅವರ ಸೋಂಕಿನ ಮೂಲ ತಿಳಿದುಬಂದಿಲ್ಲ. 105 ಮಂದಿಗೂ ಸಂಪರ್ಕದಿಂದ ತಗಲಿದೆ.ಇದೇ ವೇಳೆ 34 ಮಂದಿ ಗುಣಮುಖರಾಗಿದ್ದಾರೆ.

ಕೇರಳದಲ್ಲಿ 927 ಪ್ರಕರಣ: ಕೇರಳದಲ್ಲಿ ರವಿವಾರ 927 ಮಂದಿಗೆ ಕೋವಿಡ್ 19 ದೃಢವಾಗಿದೆ. 689 ಮಂದಿ ಗುಣಮುಖರಾಗಿದ್ದಾರೆ. ಕುಂಬಳೆಯ ವ್ಯಕ್ತಿ ಸೇರಿದಂತೆ ರಾಜ್ಯದಲ್ಲಿ 70ರ ಹರೆಯದ ಮೂವರು ವೃದ್ಧರು ಮೃತಪಟ್ಟಿದ್ದಾರೆ. ಸಾವಿನ ಸಂಖ್ಯೆ 61ಕ್ಕೇರಿದೆ.