Kasaragod: ಪಿಗ್ಮಿ ಸಂಗ್ರಾಹಕ ನಾಪತ್ತೆ; ಸ್ಕೂಟರ್‌ ಸೇತುವೆ ಬಳಿ ಪತ್ತೆ

Team Udayavani, Aug 23, 2024, 7:45 PM IST

ಕಾಸರಗೋಡು: ಪಿಗ್ಮಿ ಕಲೆಕ್ಷನ್‌ ಏಜೆಂಟ್‌ ಆ.22ರಂದು ರಾತ್ರಿಯಿಂದ ನಾಪತ್ತೆಯಾಗಿದ್ದು, ಇದರ ಬೆನ್ನಲ್ಲೇ ಇವರ ಸ್ಕೂಟರ್‌ ಚಂದ್ರಗಿರಿ ಸೇತುವೆ ಬಳಿ ಉಪೇಕ್ಷಿತ ಸ್ಥಿತಿಯಲ್ಲಿ ಪತ್ತೆಯಾಗಿದೆ.

ಕಲ್ಲಕಟ್ಟ ಸಮೀಪದ ಪಾಂಬಾಚಿಕಡವು ಶ್ರೀ ಅಯ್ಯಪ್ಪ ಭಜನ ಮಂದಿರ ಬಳಿಯ ಬನ್ನಡ್ಕ ಹೌಸ್‌ನ ಆನಂದನ್‌ ಅವರ ಪುತ್ರ, ಕಾಸರಗೋಡು ಸಹಕಾರಿ ಬ್ಯಾಂಕಿನ ಪಿಗ್ಮಿ ಕಲೆಕ್ಷನ್‌ ಎಜೆಂಟ್‌ ರಮೇಶನ್‌ ಬಿ.ಎ. (50) ನಾಪತ್ತೆಯಾದವರು. ಇವರ ಸಹೋದರ ದಿನೇಶನ್‌ ನೀಡಿದ ದೂರಿನಂತೆ ವಿದ್ಯಾನಗರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

ಚಂದ್ರಗಿರಿ ಸೇತುವೆ ಬಳಿಯಲ್ಲಿ ಪತ್ತೆಯಾಗಿರುವ ರಮೇಶನ್‌ ಅವರ ಸ್ಕೂಟರ್‌ನಲ್ಲಿ ಪಿಗ್ಮಿ ಸಂಗ್ರಹದ ಹಣ, ಮೊಬೈಲ್‌ಫೋನ್‌ ಇತ್ಯಾದಿಗಳು ಸಿಕ್ಕಿವೆ.

ಕಾಸರಗೋಡು ಅಗ್ನಿಶಾಮಕ ಸಿಬಂದಿ ಹಾಗೂ ಪೊಲೀಸರು ಗುರುವಾರ ರಾತ್ರಿಯಿಂದ ಚಂದ್ರಗಿರಿ ಹೊಳೆಯಲ್ಲಿ ಶೋಧ ನಡೆಸುತ್ತಿದ್ದಾರೆ.