Kasargod: ಬೆಕ್ಕಿಗಾಗಿ ಬಾವಿಗಿಳಿದ ವಿದ್ಯಾರ್ಥಿಯ ರಕ್ಷಣೆ

Team Udayavani, Nov 23, 2024, 7:38 PM IST

ಸಾಂದರ್ಭಿಕ ಚಿತ್ರ

ಕಾಸರಗೋಡು: ಬೆಕ್ಕನ್ನು ರಕ್ಷಿಸಲು ಬಾವಿಗಿಳಿದ ಆಲಂಪಾಡಿ ಸರಕಾರಿ ಹೈಯರ್‌ ಸೆಕೆಂಡರಿ ಶಾಲೆಯ 10ನೇ ತರಗತಿ ವಿದ್ಯಾರ್ಥಿ ಎರಿಯಪ್ಪಾಡಿ ಮರಕೆಮೂಲೆಯ ಬಿ.ಕೆ. ಅಬ್ದುಲ್ಲ (15)ನನ್ನು ಕಾಸರಗೋಡು ಅಗ್ನಿಶಾಮಕ ದಳ ರಕ್ಷಿಸಿದೆ.

ಮನೆಯ 20 ಅಡಿ ಆಳದ ಬಾವಿಗೆ ಬೆಕ್ಕು ಬಿದ್ದಿತ್ತು. ಅದನ್ನು ರಕ್ಷಿಸಲೆಂದು ಬಾವಿಗಿಳಿದು ಮೇಲೇರಲು ಸಾಧ್ಯವಾಗದೆ ಇದ್ದಾಗ ಅಗ್ನಿಶಾಮಕ ದಳದ ನೆರವು ಕೋರಲಾಯಿತು.

Uppala: ಬಾವಿಯೊಳಗೆ ರಾತ್ರಿಕಳೆದ ಯುವಕನ ರಕ್ಷಣೆ

ಉಪ್ಪಳ: ಮುಳಿಂಜ ಶಾಲೆ ಬಳಿಯ ನಿವಾಸಿ ನಂದಕಿಶೋರ ಅವರ ಬಾವಿಗೆ ಬಿದ್ದು ರಾತ್ರಿ ಪೂರ್ತಿ ಕಳೆದ ಕರ್ನಾಟಕದ ಹುಬ್ಬಳ್ಳಿ ನಿವಾಸಿ ಭರತ್‌(24)ನನ್ನು ಅಗ್ನಿಶಾಮಕ ದಳ ರಕ್ಷಿಸಿದೆ.

ಮದ್ಯ ಸೇವಿಸಿ ಬಾವಿಗೆ ಬಿದ್ದಿರಬೇಕೆಂದು ಶಂಕಿಸಲಾಗಿದೆ.

ಬೆಳಗ್ಗೆ ಬಾವಿಯೊಳಗಿಂದ ಬೊಬ್ಬೆ ಕೇಳಿದಾಗ ಮನೆಯವರು ಹಾಗೂ ಪರಿಸರದವರು ನೋಡಿ, ಮೇಲಕ್ಕೆತ್ತಲು ಹಗ್ಗವನ್ನು ನೀಡಿದರೂ ಮೇಲೇರಲು ಸಾಧ್ಯವಾಗಲಿಲ್ಲ. ಬಳಿಕ ಅಗ್ನಿಶಾಮಕ ದಳದ ನೆರವು ಕೋರಲಾಯಿತು.