ಮರಳಿನಿಂದ ಜಾರುವ ರಸ್ತೆಗೆ ಮೋಕ್ಷ ಬೇಕಿದೆ

Team Udayavani, Jul 17, 2017, 3:45 AM IST

ಕುಂಬಳೆ: ಕುಂಬಳೆ ಪೊಲೀಸ್‌ ಠಾಣೆಯ ಮುಂದಿನ ರಸ್ತೆ ಮರಳು ತುಂಬಿ ಅಪಾಯವನ್ನು ಆಹ್ವಾನಿಸುತ್ತಿದೆ. 
ಕಾನೂನು ಬಾಹಿರವಾಗಿ ಸಮುದ್ರತೀರ ಮತ್ತು ಹೊಳೆಗಳಿಂದ ಅಕ್ರಮವಾಗಿ ಲಾರಿ, ಟೆಂಪೊ, ಇನ್ನಿತರ ವಾಹನಗಳಲ್ಲಿ ಸಾಗಿಸುತ್ತಿದ್ದಾಗ ಪೊಲೀಸರು ವಾಹನಗಳನ್ನು ವಶಪಡಿಸಿ ಈ ರಸ್ತೆ ಪಕ್ಕದಲ್ಲಿರಿಸಿದಾಗ ಮಾರುತಿ, ಆಮ್ನಿ, ರಿಕ್ಷಾ ಮುಂತಾದ ಸಣ್ಣ ವಾಹನಗಳಿಂದ ಮರಳು ರಸ್ತೆಗೆ ಜಾರಿಬಿದ್ದು ರಸ್ತೆಯಲ್ಲಿ ಶೇಖರಣೆಯಾಗುವುದು. ಇದರಿಂದ ರಸ್ತೆಯಲ್ಲಿ ವಾಹನ ಸಂಚಾರಕ್ಕೆ ತೊಡಕಾಗುವುದು. ಬೈಕ್‌ಗಳು ಈ ರಸ್ತೆಯಲ್ಲಿ ಹಲವು ಬಾರಿ ಸ್ಕಿಡ್‌ ಆಗಿ ಅಪಾಯ ಸಂಭವಿಸಿದೆ. 
ಕುಂಬಳೆ ಗ್ರಾಮ ಪಂಚಾಯತ್‌ ಮತ್ತು ಪೊಲೀಸ್‌ ಠಾಣೆಯ ಮುಂದೆಯೇ ಈ ಅವಾಂತರ ನಡೆಯುತ್ತಿದ್ದರೂ ಸ್ಥಳೀಯಾಡಳಿತವಾಗಲಿ ಪೊಲೀಸರಾಗಲಿ ಈ ಸಮಸ್ಯೆಗೆ ಪರಿಹಾರ ಕಂಡಿಲ್ಲ.ವಿದ್ಯಾಲಯಕ್ಕೆ ಸಿ.ಐ.ಕಚೇರಿಗೆ,ಕೃಷಿ ಭವನ ಸಾರ್ವಜನಿಕ ಶ್ಮಶಾನಗಳಿಗೆ ತೆರಳುವ ರಸ್ತೆಯಲ್ಲಿ ತುಂಬಿರುವ ಮರಳನ್ನು ತೆರವುಗೊಳಿಸಿ ವಾಹನಗಳ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಡಬೇಕೆಂಬುದಾಗಿ ಸಾರ್ವಜನಿಕರ ಬೇಡಿಕೆಯಾಗಿದೆ. ಇನ್ನಷ್ಟು ಅಪಾಯ ಸಂಭವಿಸುವ ಮುನ್ನ ಸಮಸ್ಯೆಗೆ ಪರಿಹಾರ ಕಾಣಬೇಕಾಗಿದೆ.