ಒಂದೇ ಕಟ್ಟಡದಲ್ಲಿ ಮೂರು ಪಕ್ಷಗಳ ಚುನಾವಣ ಕಾರ್ಯಾಲಯ !

Team Udayavani, Apr 12, 2019, 6:30 AM IST

ಕಾಸರಗೋಡು: ಹೌದು…ಒಂದೇ ಕಟ್ಟಡ. ಮೂರು ರಾಜಕೀಯ ಪಕ್ಷಗಳ ಚುನಾವಣ ಕಾರ್ಯಾಲಯ ಒಂದೇ ಕಟ್ಟಡದಲ್ಲಿ ಕಾರ್ಯಾಚರಿಸುತ್ತಿದೆ. ಈ ಮೂಲಕ ಹೊಸ ಮಾದರಿಗೆ ಭಾಷ್ಯ ಬರೆಯಲಾಗಿದೆ.

ಪರಸ್ಪರ ಕೆಸರೆರಚುವ ರಾಜಕೀಯ ಪಕ್ಷಗಳು ಚುನಾವಣೆ ಸಂದರ್ಭದಲ್ಲಿ ಒಂದೇ ಕಟ್ಟಡದಲ್ಲಿ ಚುನಾವಣ ಕಚೇರಿಯನ್ನು ಆಯೋಜಿಸಿದ್ದು ಮಾದರಿಯಾಗಿದೆ. ಬೋವಿಕ್ಕಾನ ಪೇಟೆಯಲ್ಲಿ ಒಂದೇ ಕಟ್ಟಡದಲ್ಲಿ ಹತ್ತಿರ ಹತ್ತಿರವಾಗಿ ಕಾರ್ಯಾಚರಿಸುತ್ತಿರುವುದು ಕುತೂಹಲಕ್ಕೆ ಕಾರಣವಾಗಿದೆ.

ಬಿಜೆಪಿ ಅಭ್ಯರ್ಥಿ ರವೀಶ ತಂತ್ರಿ ಕುಂಟಾರು, ಸಿಪಿಎಂ ಅಭ್ಯರ್ಥಿ ಕೆ.ಪಿ. ಸತೀಶ್ಚಂದ್ರನ್‌ ಮತ್ತು ಕಾಂಗ್ರೆಸ್‌ ಅಭ್ಯರ್ಥಿ ರಾಜ್‌ಮೋಹನ್‌ ಉಣ್ಣಿತ್ತಾನ್‌ ಅವರ ಚುನಾವಣ ಕಾರ್ಯಾಲಯ ಒಂದೇ ಕಟ್ಟಡದಲ್ಲಿ ಆಯೋಜಿಸಿರುವುದು ಅಚ್ಚರಿಗೆ ಕಾರಣವಾಗಿದೆ.