ಮತದಾನ: ಬೀದಿ ನಾಟಕದಿಂದ ಜನ ಜಾಗೃತಿ

Team Udayavani, Apr 12, 2019, 6:30 AM IST

ಶನಿವಾರಸಂತೆ:  ಚುನಾವಣೆಯಲ್ಲಿ ಮತದಾರರು ಕಡ್ಡಾಯವಾಗಿ ಮತದಾನ ಮಾಡುವ ಕುರಿತಾಗಿ ಕೊಡಗು ಜಿಲ್ಲಾಡಳಿತ ವತಿ ಯಿಂದ ಶನಿವಾರಸಂತೆ ಪಟ್ಟದ ಕೆಆರ್‌ಸಿ ವೃತ್ತದಲ್ಲಿ ಬೀದಿ ನಾಟಕ ಮೂಲಕ ಮತದಾನದ ಮಹತ್ವದ ಬಗ್ಗೆ ಜನ ಜಾಗೃತಿ ಮೂಡಿಸಲಾಯಿತು.

ಕುಶಾಲನಗರದ ಜಿಲ್ಲಾ ವಿದ್ಯಾಸಾಗರ ಕಲಾ ತಂಡದ ರಾಜು ನೇತೃತ್ವದ ತಂಡದ ಕಲಾವಿದರು ಚುನಾವಣೆಯಲ್ಲಿ ಮತದಾರರು ತಪ್ಪದೆ ಬಂದು ಮತದಾನ ಮಾಡುವುದು, ಮತದಾರನ ಹಕ್ಕಿನ ಮಹತ್ವ, ಮತದಾರು ಉತ್ತಮ ಅಭ್ಯರ್ಥಿಯನ್ನು ಮತದಾನದ ಮೂಲಕ ಆಯ್ಕೆ ಮಾಡುವುದ್ದರಿಂದ ಮತದಾರನ ಪಾತ್ರ ಮುಖ್ಯವಾಗಿರುತ್ತದೆ ಎಂಬ ಸಂದೇಶವನ್ನು ಬೀದಿ ನಾಟಕದ ಮೂಲಕ ಜನರನ್ನು ಜಾಗೃತಿಗೊಳಿಸಲಾಯಿತು.

ಮತದಾರರ ಪಟ್ಟಿಯಲ್ಲಿ ಹೆಸರು ಬಿಟ್ಟು ಹೋದವರು ತಕ್ಷಣ ಮತದಾರರ ಪಟ್ಟಿಗೆ ಸೇರ್ಪಡೆಗೊಳ್ಳುವ ಬಗ್ಗೆಯೂ ಮಾಹಿತಿ ನೀಡಲಾಯಿತು. ಈ ಸಂದ ರ್ಭದಲ್ಲಿ ಶನಿವಾರಸಂತೆ ಗ್ರಾ.ಪಂ.ಕಾರ್ಯದರ್ಶಿ ಚಂದ್ರೇಗೌಡ ಡೋಲು ಬಡಿತಯುವ ಮೂಲಕ ಬೀದಿ ನಾಟಕಕ್ಕೆ ಚಾಲನೆ ನೀಡಿದರು.