RG Jewels: ವಿನೂತನ ಸ್ವರ್ಣಾಭರಣಗಳ ಮಳಿಗೆ “ಆರ್‌ಜಿ ಜುವೆಲ್ಸ್‌’ ಉದ್ಘಾಟನೆ

Team Udayavani, Jul 12, 2024, 10:35 AM IST

ಮಂಗಳೂರು: ನವನವೀನ ಶೈಲಿಯ, ಅತ್ಯಾಕರ್ಷಕ, ಆಧುನಿಕ ಮತ್ತು ಸಾಂಪ್ರದಾಯಿಕ ಸ್ವರ್ಣಾಭರಣಗಳ ಮಳಿಗೆ “ಆರ್‌ಜಿ ಜುವೆಲ್ಸ್‌’ ನಗರದ ಗಣಪತಿ ಹೈಸ್ಕೂಲ್‌ ಅಡ್ಡ ರಸ್ತೆಯಲ್ಲಿ ಗುರುವಾರ ಉದ್ಘಾಟನೆಗೊಂಡಿದೆ. ಜಯಂತಿ
ಸೂರ್ಯಕಾಂತ್‌ ಶೇಟ್‌ ಅವರು ದೀಪ ಬೆಳಗಿಸಿ ಮಳಿಗೆಯನ್ನು ಉದ್ಘಾಟಿಸಿದರು.

ಸ್ವರ್ಣ ವ್ಯವಹಾರದಲ್ಲಿ ಸುದೀರ್ಘ‌ ಅನುಭವ ಹೊಂದಿರುವ ಯುವ ಉದ್ಯಮಿ ಮಳಿಗೆಯ ಮಾಲಕ ಎಸ್‌. ಹರ್ಷ ಶೇಟ್‌ ಮಾತನಾಡಿ, ಸ್ವರ್ಣಾಭರಣದ ಪರಂಪರೆಯನ್ನು ಮುಂದುವರಿಸಿಕೊಂಡು ಹೋಗುವ ನಿಟ್ಟಿನಲ್ಲಿ ಆರಂಭಿಸಿರುವ ಈ ಮಳಿಗೆಯಲ್ಲಿ ಆಧುನಿಕ ಮತ್ತು ಸಾಂಪ್ರದಾಯಿಕವಾದ ಕಲಾತ್ಮಕ ಚಿನ್ನಾಭರಣಗಳು, ವಜ್ರದ ಆಭರಣಗಳು ಹಾಗೂ ಬೆಲೆ ಬಾಳುವ ಹರಳು ಗಳ ಸಂಗ್ರಹವಿದೆ.

ಗ್ರಾಹಕರಿಗೆ ಕೈಗೆಟಕುವ ದರದಲ್ಲಿ ದೇಶ ವಿದೇಶಗಳ ಅತ್ಯಾಧುನಿಕ ಹಾಗೂ ಆಕರ್ಷಕ ಅಭರಣಗಳು ಮಳಿಗೆಯಲ್ಲಿ ಲಭ್ಯವಿದೆ.
ಸ್ವರ್ಣ ಫ್ರೇಮ್‌ಗಳನ್ನು ಒಳಗೊಂಡ ದೇವರ ಫೋಟೋಗಳು ಕೂಡ ಗ್ರಾಹಕರ ಆಯ್ಕೆಗೆ ಸಿಗಲಿದೆ ಎಂದರು.

1987ರಲ್ಲಿ ಸೂರ್ಯಕಾಂತ್‌ ಶೆಟ್‌ ಹಾಗೂ ಕುಮಾರ್‌ ಶೇಟ್‌ ಅವರು ರಮಾ ಗಣಪತಿಯವರ ಹೆಸರಿನಲ್ಲಿ ಆರಂಭಿಸಿದ ಆರ್‌ಜಿ ಜುವೆಲ್ಲರಿ ಈಗ ತನ್ನ 2ನೇ ಮಳಿಗೆಯನ್ನು ಆರಂಭಿಸಿದೆ. ಗುಣಮಟ್ಟದ ಸೇವೆ ಒದಗಿಸುವುದೇ ನಮ್ಮ ಮೊದಲ ಆದ್ಯತೆ ಎಂದರು.

ನೂತನ ಮಳಿಗೆಯಲ್ಲಿ ಮದುವೆ ಇನ್ನಿತರ ಸಮಾರಂಭಕ್ಕೆ ಧರಿಸುವ ಆಭರಣಗಳು, ನೆಕ್ಲೇಸ್‌, ವಿವಿಧ ವಿನ್ಯಾಸದ ಸರಗಳು, ಬಳೆಗಳು, ಉಂಗುರಗಳು, ವಿನೂತನ ಕಿವಿಯೋಲೆಗಳ ಸಂಗ್ರಹವಿದೆ. ದಿವ್ಯ ಹರ್ಷ ಶೇಟ್‌, ವಸಂತ್‌ ಶ್ರೀನಿವಾಸ್‌ ಶೇಟ್‌ ಜನ್ನು, ರಮೇಶ್‌ ಜನ್ನು, ಅಶೋಕ್‌ ಕುಮಾರ್‌, ಕುಮಾರ್‌ ಶೇಟ್‌, ರಮಣ್‌ ನಾಯ್ದು , ಕಾರ್ತಿಕ್‌ ಉಪಸ್ಥಿತರಿದ್ದರು.