ಬೆಂಗಳೂರು ರೈಲು ಆರಂಭ

Team Udayavani, Sep 3, 2020, 11:45 PM IST

ಸಾಂದರ್ಭಿಕ ಚಿತ್ರ

ಮಂಗಳೂರು: ಕಾರವಾರ- ಯಶವಂತಪುರ- ಕಾರವಾರ ಸೇರಿದಂತೆ ಕರಾವಳಿ ಭಾಗದ ಮೂರು ವಿಶೇಷ ರೈಲುಗಳನ್ನು ಆರಂಭಿಸಲು ನೈಋತ್ಯ ರೈಲ್ವೇಗೆ ರೈಲ್ವೇ ಮಂಡಳಿ ಅನುಮತಿ ನೀಡಿದೆ.

ರೈಲು ನಂ. 06585 ಯಶವಂತಪುರ- ಕಾರವಾರ ರೈಲು ಸೆ. 4ರ ಸಂಜೆ 6.45ಕ್ಕೆ ಯಶವಂತಪುರದಿಂದ ಹೊರಡ ಲಿದೆ. ರೈಲು ನಂ. 6586 ಸೆ. 5ರಂದು ಕಾರವಾರದಿಂದ ಸಂಜೆ 6 ಗಂಟೆಗೆ ಹೊರಡಲಿದೆ. ಈ ಹಿಂದೆ ಸಂಚರಿಸುತ್ತಿದ್ದ ರೈಲು ಸಂ. 6595/ 6596ರ ವೇಳಾಪಟ್ಟಿಗಳು ಇದಕ್ಕೆ ಅನ್ವಯವಾಗಲಿವೆ.

06515 ಬೆಂಗಳೂರು ಸಿಟಿ- ಮಂಗಳೂರು (ವಾರದಲ್ಲಿ 4ದಿನ) ಸೆ. 4ರಿಂದ ಹಾಗೂ 06516 ಮಂಗಳೂರು- ಬೆಂಗಳೂರು ಸೆ. 6ರಿಂದ ಸಂಚರಿಸಲಿದೆ. 06517 ಬೆಂಗಳೂರು- ಮಂಗಳೂರು (ವಾರದಲ್ಲಿ 3ದಿನ) ಸೆ. 6ರಿಂದ, 06518 ಮಂಗಳೂರು- ಬೆಂಗಳೂರು ಸೆ. 5ರಿಂದ ಸಂಚರಿಸಲಿದೆ.

ಈ ಪರೀಕ್ಷಾ ವಿಶೆಷ ರೈಲುಗಳು ಮುಂದಿನ ಸೂಚನೆಯ ವರೆಗೆ ಚಾಲನೆಯಲ್ಲಿರುತ್ತದೆ. ಇದರಲ್ಲಿ ಪ್ರಯಾಣಿಸಲು ಮುಂಗಡ ಬುಕ್ಕಿಂಗ್‌ ಮಾಡುವುದು ಅಗತ್ಯವಾಗಿದೆ.