‘ಪಾವಂಜೆಯ ಕ್ಷೇತ್ರಕ್ಕೆ ಸೀಮೆಯ ಜನರ ಸಹಕಾರ’

Team Udayavani, Apr 2, 2018, 3:00 PM IST

ಪಡುಪಣಂಬೂರು: ಪಾವಂಜೆಯ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ದೇವಸ್ಥಾನದಲ್ಲಿ ನಡೆಯಲಿರುವ ವಿಶ್ವ ಜಿಗೀಷದ್‌ ಯಾಗ ಹಾಗೂ ಬ್ರಹ್ಮಕಲಶೋತ್ಸವಕ್ಕೆ ಮೂಲ್ಕಿ ಸೀಮೆಯ ಭಕ್ತರು ಹಾಗೂ ಗ್ರಾಮಸ್ಥರು ಮುಕ್ತವಾಗಿ ನೆರವು ನೀಡಲಿದ್ದಾರೆ. ಕ್ಷೇತ್ರದ ಧಾರ್ಮಿಕ ನಂಬಿಕೆಗಳಿಗೆ ಸಾಮೂಹಿಕವಾಗಿ ನಮ್ಮೆಲ್ಲರ ಮನಸ್ಸು ಒಂದಾಗಿ ಕೆಲಸ ಮಾಡಿದಲ್ಲಿ ಪುಣ್ಯ ಪ್ರಾಪ್ತಿಯಾಗುತ್ತದೆ ಎಂದು ಮೂಲ್ಕಿ ಸೀಮೆಯ ಅರಸರಾದ ಎಂ.ದುಗ್ಗಣ್ಣ ಸಾವಂತರು ಹೇಳಿದರು.

ಪಡುಪಣಂಬೂರು ಮೂಲ್ಕಿ ಅರಮನೆಯ ಧರ್ಮ ಚಾವಡಿಯಲ್ಲಿ ಎ.1ರಂದು ವಿವಿಧ ಗ್ರಾಮದ ಪ್ರಮುಖರ ಸಮಾಲೋಚನ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ಹಳೆಯಂಗಡಿ ಸಾರ್ವಜನಿಕ ಗಣೇಶೋತ್ಸವ ಸಮಿತಿ, ಶ್ರೀ ದುರ್ಗಾ ಪರಮೇಶ್ವರೀ ಮಠ, ನಾಲ್ಕು ಪಂಜುರ್ಲಿ ದೇವಸ್ಥಾನ, ವಿಠೊಬ ಲೀಲಾ ಭಜನ ಮಂದಿರ, ತೋಕೂರು ದೇವಸ್ಥಾನ, ಕಲ್ಲಾಪು ದೇವಸ್ಥಾನ, ದೇವಾಡಿಗರ ಸಮಾಜ ಸೇವಾ ಸಂಘ, ಪಾವಂಜೆ, ಬೆಳ್ಳಾಯರು, ಪಡು ಪಣಂಬೂರು, ತೋಕೂರು, ಕೆರೆಕಾಡು ಗ್ರಾಮದಿಂದ ಮೂಲ್ಕಿ ಅರಮನೆಯ ಮೂಲಕ ಹೊರೆಕಾಣಿಕೆಯನ್ನು ಸಮರ್ಪಿಸಲಾಗುವುದೆಂದು ತೀರ್ಮಾನಿಸಲಾಯಿತು.

ಬಿ. ಸೂರ್ಯ ಕುಮಾರ್‌, ಪಿತಾಂಬರ ಶೆಟ್ಟಿಗಾರ್‌, ಹರಿದಾಸ್‌ ಭಟ್‌, ರಾಮಚಂದ್ರ ಶೆಣೈ, ಗೌತಮ್‌ ಜೈನ್‌, ಉಮೇಶ್‌ ಪೂಜಾರಿ, ರಾಮದಾಸ್‌ ಕಾಮತ್‌, ಹಿಮಕರ ಕದಿಕೆ, ನರೇಂದ್ರ ಪ್ರಭು, ವಿನೋದ್‌ ಕುಮಾರ್‌ ಬೊಳ್ಳೂರು, ಜೀವನ್‌ ಪ್ರಕಾಶ್‌ ಕಾಮೆರೊಟ್ಟು, ಪಿ.ಪರಮೇಶ್ವರ್‌, ವಿನೋದ್‌ ಕೊಳುವೈಲು, ಸುಕೇಶ್‌ ಪಾವಂಜೆ, ಶೋಭೇಂದ್ರ ಸಸಿಹಿತ್ಲು, ಸುಜಾತಾ ವಾಸುದೇವ, ದಿವ್ಯಶ್ರೀ ಕೋಟ್ಯಾನ್‌, ಕೃಷ್ಣ ಹೆಬ್ಟಾರ್‌, ಸಂತೋಷ್‌ ಕೊಳುವೈಲು ಉಪಸ್ಥಿತರಿದ್ದರು. ಹಳೆಯಂಗಡಿ, ಪಡುಪಣಂಬೂರು, ಹಾಗೂ ಕೆಮ್ರಾಲ್‌ ಪಂಚಾಯತ್‌ ವ್ಯಾಪ್ತಿಯ ಧಾರ್ಮಿಕ ಕ್ಷೇತ್ರ, ಸಂಘ- ಸಂಸ್ಥೆಗಳ ಪದಾಧಿಕಾರಿಗಳು ಭಾಗವಹಿಸಿದ್ದರು. ನ್ಯಾಯವಾದಿ ಚಂದ್ರಶೇಖರ್‌ ಜಿ. ಸ್ವಾಗತಿಸಿದರು.ಸುಧಾಕರ ಆರ್‌. ಅಮೀನ್‌ ವಂದಿಸಿದರು.

ಯಶಸ್ವಿಗೊಳಿಸಬೇಕು
ಶ್ರೀ ಕ್ಷೇತ್ರ ಪಾವಂಜೆಯಲ್ಲಿ ಸಂಪನ್ನಗೊಳ್ಳಲಿರುವ ಬ್ರಹ್ಮಕಲಶೋತ್ಸವ ಹಾಗೂ ವಿಶ್ವ ಜಿಗೀಷದ್‌ ಯಾಗದ ಮಹಾ ಅನ್ನಪ್ರಸಾದಕ್ಕೆ ಸಾರ್ವಜನಿಕ ಹೊರೆಕಾಣಿಕೆ ಸಮರ್ಪಣೆಯನ್ನು ಎ.8ರಂದು ಸಂಜೆ 3ಕ್ಕೆ ನಿಗದಿಪಡಿಸಲಾಗಿದೆ. ಸುತ್ತಮುತ್ತ ಇರುವ ಗ್ರಾಮಸ್ಥರು ನೇರವಾಗಿ ಅರಮನೆಯ ಚಾವಡಿಯಿಂದ ತೆರಳುವ ಭವ್ಯ ಹೊರೆಕಾಣಿಕೆ ಮೆರವಣಿಗೆಯನ್ನು ಯಶಸ್ವಿಗೊಳಿಸಬೇಕು. 
-ಎಂ.ದುಗ್ಗಣ್ಣ ಸಾವಂತರು
ಮೂಲ್ಕಿ ಸೀಮೆಯ ಅರಸ