Ginger; ಕೊನೆಗೂ ದ್ವಿಶತಕ ಬಾರಿಸಿಯೇ ಬಿಟ್ಟ ಶುಂಠಿಯಣ್ಣ

Team Udayavani, May 6, 2023, 3:31 PM IST

ಬಜಪೆ: ಮಾರ್ಚ್‌ತಿಂಗಳ ಕೊನೆಯಲ್ಲಿ ಶತಕ ಬಾರಿಸಿದ ಶುಂಠಿ ಶುಕ್ರವಾರ ದ್ವಿಶತಕ ಬಾರಿಸಿದೆ. ಕೆ.ಜಿ. ರಖಂ ದರವೇ ಕೆ.ಜಿ. 200 ರೂ. ಮಾರ್ಚ್‌ ತಿಂಗಳ ಅಂತ್ಯದಲ್ಲಿ ಕೆ.ಜಿ.ಗೆ 100 ರೂ. ಆಗಿತ್ತು, ನಿಧಾನವಾಗಿ ದರವನ್ನು ಹೆಚ್ಚುತ್ತ ಬಂದಿದ್ದು, ಕೆ.ಜಿ. 130, 140ಯಲ್ಲಿದ್ದ ದರ 160 ರೂ. ತನಕ ಏರಿ ಶುಕ್ರವಾ ಒಮ್ಮೆಲೇ ಜಿಗಿತ ಕಂಡಿತು.

ಕೊರೊನಾ ಸಮಯದಲ್ಲಿ ಅತೀ ಅಗತ್ಯವಾಗಿದ್ದ ಹೆಚ್ಚು ಬೇಡಿಕೆಯ ಆ ಸಮಯದಲ್ಲಿ 40, 50 ರೂ.ದರದಲ್ಲಿತ್ತು. ಅದರೇ ಈಗ ಒಮ್ಮೆಲೇ ದ್ವಿಶತಕ ಬಾರಿಸಿದೆ.

ಬದಿಗೆ ಸರಿದ ಶುಂಠಿ ವ್ಯಾಪಾರಸ್ಥರು
ತರಕಾರಿ ಅಂಗಡಿಗಳಲ್ಲಿ ಶುಂಠಿಯಣ್ಣ ಎದುರು ಕಾಣಿಸುತ್ತಿದ್ದ. ಆದರೆ ಶತಕ ಹಾಗೂ ದ್ವಿಶತಕ ಬಾರಿಸಿದ ಅನಂತದ ತರಕಾರಿ ವ್ಯಾಪಾರಸ್ಥರು ಶುಂಠಿಯಣ್ಣನನ್ನು ಮರೆಯಲ್ಲಿಟ್ಟು ಮಾರುವಂತಾಯಿತು. ಗ್ರಾಹಕರಿಗೆ ಮೊದಲೇ ದರ ಹೇಳಿ ಕೊಡುವಂತಾಗಿದೆ.