ಮಂಗಳೂರು-ಮುಂಬಯಿ ವಿಮಾನ ಆರಂಭ

Team Udayavani, Jul 25, 2020, 9:47 AM IST

ಸಾಂದರ್ಭಿಕ ಚಿತ್ರ

ಮಂಗಳೂರು: ಕೋವಿಡ್ ಕಾರಣದಿಂದ ಸ್ಥಗಿತಗೊಂಡಿದ್ದ ಮುಂಬಯಿ- ಮಂಗಳೂರು ನಡುವಣ ಇಂಡಿಗೋ ವಿಮಾನ ಸಂಚಾರ ಶುಕ್ರವಾರದಿಂದ ಮರು ಆರಂಭವಾಗಿದೆ. ವಾರದಲ್ಲಿ ನಾಲ್ಕು ದಿನ ಈ ವಿಮಾನ ಸಂಚರಿಸಲಿದೆ.

ಮುಂಬಯಿಯಿಂದ 9.30ಕ್ಕೆ ಆಗಮಿಸುವ ವಿಮಾನ ಬೆಳಗ್ಗೆ 11ಕ್ಕೆ ಮಂಗಳೂರಿಗೆ ಆಗಮಿಸಲಿದೆ. ಬೆಳಗ್ಗೆ 11.40ಕ್ಕೆ ಮಂಗಳೂರಿನಿಂದ ಹೊರಡುವ ವಿಮಾನ ಅಪರಾಹ್ನ 1.15ಕ್ಕೆ ಮುಂಬಯಿ ತಲುಪಲಿದೆ. ಮಂಗಳೂರಿಗೆ ತೆರಳಲು ವಿಮಾನ ಕಾಯ್ದಿರಿಸಬೇಕಿದ್ದರೆ, ಪ್ರಯಾಣಿಕರು ಮುಂಬಯಿಯ ಟರ್ಮಿನಲ್‌ ಟಿ-2ರಲ್ಲಿ ವರದಿ ಮಾಡಬಹುದು.

ಅಂ.ರಾ. ಪ್ರಯಾಣಿಕರು ಏಳು ದಿನಗಳ ಸಾಂಸ್ಥಿಕ ಕ್ವಾರಂಟೈನ್‌ ಬಳಿಕ ಹೋಂ ಕ್ವಾರಂಟೈನ್‌ ಹಾಗೂ ದೇಶೀಯ ಪ್ರಯಾಣಿಕರು ಹೋಂ ಕ್ವಾರಂಟೈನ್‌ಗೆ ಒಳಗಾಗಬೇಕಾಗಿದೆ. ಪ್ರಯಾಣಕ್ಕೂ ಮುನ್ನ ತಪಾಸಣೆ ಸಹಿತ ಹಲವು ನಿಯಮಗಳನ್ನು ಪಾಲಿಸಬೇಕಾಗಿದೆ.