mangaluru: ಕಬಡ್ಡಿ, ಬ್ಯಾಡ್ಮಿಂಟನ್‌ಗೆ ಸ್ಮಾರ್ಟ್‌ ಕಾಂಪ್ಲೆಕ್ಸ್‌

Team Udayavani, Jan 13, 2025, 1:16 PM IST

ಮಹಾನಗರ: ಪ್ರೊ ಕಬಡ್ಡಿ, ಶಟಲ್‌ – ಬ್ಯಾಡ್ಮಿಂಟನ್‌ನಂತಹ ರಾಷ್ಟ್ರ ಮಟ್ಟದ ಕ್ರೀಡಾಕೂಟಗಳನ್ನು ಇನ್ನು ಮುಂದೆ ಮಂಗಳೂರಿನಲ್ಲಿಯೇ ಆಯೋಜಿ ಸಬಹುದು, ಆಸಕ್ತರು ತರಬೇತಿಯನ್ನೂ ಪಡೆಯಬಹುದು.

ಕ್ರೀಡಾಪಟುಗಳಿಗೆ ಪ್ರೋತ್ಸಾಹ ನೀಡುವ ಉದ್ದೇಶದಿಂದ ಸ್ಮಾರ್ಟ್‌ಸಿಟಿ ಯೋಜನೆ ಯಲ್ಲಿ ಉರ್ವ ಮಾರುಕಟ್ಟೆ ಬಳಿ ಮಲ್ಟಿ ನ್ಪೋರ್ಟ್ಸ್ ಕಾಂಪ್ಲೆಕ್ಸ್‌ ನಿರ್ಮಾಣ ಆಗುತ್ತಿದ್ದು, ಉದ್ಘಾಟನೆಗೂ ಸಿದ್ಧವಾಗಿದೆ.

ಸುಮಾರು 35 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣ ಆಗುತ್ತಿದ್ದು, ಆರು ಕಬಡ್ಡಿ ಕೋರ್ಟ್‌ ಸಹಿತ, ಮೂರು ಶಟಲ್‌ ಬ್ಯಾಡ್ಮಿಂಟನ್‌, ಪ್ರೇಕ್ಷಕರ ಗ್ಯಾಲರಿ ಕೂಡ ಇರಲಿದೆ. ಕೆಳ ಅಂತಸ್ತಿನಲ್ಲಿ ವಿಶಾಲವಾದ ಪಾರ್ಕಿಂಗ್‌ ವ್ಯವಸ್ಥೆ ಇರಲಿದೆ. ಈ ಯೋಜನೆ ಪೂರ್ಣಗೊಳ್ಳಲು ಇನ್ನು ಎರಡು ತಿಂಗಳ ಆವಶ್ಯಕತೆ ಇದ್ದು, ಕೊನೆಯ ಹಂತದ ಕಾಮಗಾರಿ ನಡೆಯುತ್ತಿದೆ. ಕ್ರೀಡಾಂಗಣ ನಿರ್ಮಾಣದ ಬಳಿಕ ಬೆಂಗಳೂರಿನ ಕಂಠೀರವ ಕ್ರೀಡಾಂಗಣದಲ್ಲಿ ಆಯೋಜಿಸಲಾಗುತ್ತಿರುವ ಮಾದರಿಯಲ್ಲಿ ಮಂಗಳೂರಿನಲ್ಲಿಯೂ ಕ್ರೀಡೆಗಳನ್ನು ಆಯೋಜನೆ ಮಾಡಬಹುದಾಗಿದೆ.

ನ್ಪೋರ್ಟ್ಸ್ ಕಾಂಪ್ಲೆಕ್ಸ್‌ನಲ್ಲಿ ಎರಡು ಮಹಡಿ ಕ್ರೀಡೆಗೆ ಮೀಸಲಿಡಲಾಗಿದೆ. ಕೆಳ ಭಾಗದಲ್ಲಿ ಶಟಲ್‌ ಬ್ಯಾಡ್ಮಿಂಟನ್‌ ಮತ್ತು ಕಬಡ್ಡಿ ಅಂಕಣವಿದೆ. ವುಡನ್‌ ಪ್ಲೋರ್‌ನ ಮೇಲೆ 6 ಶಟಲ್‌ ಕೋರ್ಟ್‌ ಮತ್ತು ಮ್ಯಾಟ್‌ ಅಳವಡಿಸಿ 3 ಕಬಡ್ಡಿ ಕೋರ್ಟ್‌ ನಿರ್ಮಾಣ ಆಗುತ್ತಿದೆ. ಗ್ಯಾಲರಿಯಲ್ಲಿ ಸುಮಾರು 350 ಮಂದಿ ಕುಳಿತುಕೊಂಡು ಕ್ರೀಡೆ ವೀಕ್ಷಣೆಗೆ ಅವಕಾಶ ನೀಡಲಾಗಿದೆ. ಈ ಎಲ್ಲ ಕಾಮಗಾರಿಗಳು ಬಹುತೇಕ ಪೂರ್ಣಗೊಂಡಿದೆ. ಅಲ್ಲದೆ, ಶೌಚಾಲಯ, ಡೈನಿಂಗ್‌, ಲಾಕರ್‌ ವ್ಯವಸ್ಥೆ ಇದೆ. ಮೂರನೇ ಲೆವೆಲ್‌ನಲ್ಲಿ 12.50 ಮೀ. ಎತ್ತರದ ಆಟದ ಪ್ರದೇಶ ಇದ್ದು, ಇದ್ದು, ಇದಕ್ಕೆ ಶೀಟ್‌ ರೂಫಿಂಗ್‌ ಮಾಡಲಾಗಿದ್ದು, ಒಟ್ಟು ವ್ಯವಸ್ಥೆ ಸೌಂಡ್‌ ಹಾಗೂ ಟೆಂಪರೇಚರ್‌ ಪ್ರೂಫ್‌ ಆಗಿದೆ. ಸಾರ್ವಜನಿಕರಿಗೆ ಕ್ರೀಡಾ ಸಂಕೀರ್ಣಕ್ಕೆ ಆಗಮಿಸಲು ಮೂರು ಕಡೆಯಿಂದ ರಸ್ತೆಯ ವ್ಯವಸ್ಥೆ ಇದೆ. ಅಲ್ಲಿಯೂ ಮೂಲ ವ್ಯವಸ್ಥೆ ಕಲ್ಪಿಸಲಾಗುತ್ತಿದೆ. ಇಲ್ಲಿನ ವಾಣಿಜ್ಯ ಕಟ್ಟಡದ ಬಾಡಿಗೆಯಿಂದಲೇ ಕ್ರೀಡಾಸಂಕೀರ್ಣದ ನಿರ್ವಹಣೆ ಮಾಡಲು ಚಿಂತನೆ ನಡೆಸಲಾಗುತ್ತಿದೆ.

ಬಾಸ್ಕೆಟ್‌ಬಾಲ್‌ಗೆ ಮೀಸಲು
ರಾಜ್ಯ ಯುವಜನ ಕ್ರೀಡಾ ಇಲಾಖೆ ವತಿಯಿಂದಲೂ ಒಳಾಂಗಣ ಕ್ರೀಡೆಗೆ ಪ್ರೋತ್ಸಾಹ ನೀಡಲಾಗುತ್ತಿದೆ. ಕೆಲವು ವರ್ಷಗಳ ಹಿಂದೆ ಲಾಲ್‌ಬಾಗ್‌ ಬಳಿಯ ಯು.ಎಸ್‌. ಮಲ್ಯ ಒಳಾಂಗಣ ಕ್ರೀಡಾಂಗಣ ನಿರ್ಮಿಸಲಾಗಿದೆ. ಇಲ್ಲಿ ಬ್ಯಾಡ್ಮಿಂಟನ್‌, ಬಾಸ್ಕೆಟ್‌ಬಾಲ್‌, ಟೇಬಲ್‌ ಟೆನ್ನಿಸ್‌ ಆಡಲು ಅವಕಾಶ ಕಲ್ಪಿಸಲಾಗಿದೆ. ಆದರೆ, ವರ್ಷ ಪೂರ್ತಿ ಮುಂಗಡವೇ ಇಲ್ಲಿ ಬುಕ್ಕಿಂಗ್‌ ಆಗಿರುತ್ತದೆ. ಕೆಲವೊಂದು ಬಾರಿ ಶಾಲಾ-ಕಾಲೇಜು ಕ್ರೀಡಾಕೂಟಕ್ಕೂ ನೀಡಲಾಗುತ್ತದೆ. ಇದೇ ಕಾರಣಕ್ಕೆ ಆಗಾಗ್ಗೆ ಬರುವ ಕ್ರೀಡಾಪಟುಗಳಿಗೆ ಉಪಯೋಗ ಆಗುತ್ತಿಲ್ಲ. ಉರ್ವ ಮಾರುಕಟ್ಟೆ ಬಳಿ ನಿರ್ಮಾಣ ಆಗುತ್ತಿರುವ ಕ್ರೀಡಾ ಸಂಕೀರ್ಣ ಪೂರ್ಣವಾದ ಬಳಿಕ ಯು.ಎಸ್‌. ಮಲ್ಯ ಒಳಾಂಗಣ ಕ್ರೀಡಾಂಗಣದಲ್ಲಿ ಕೇವಲ ಬಾಸ್ಕೆಟ್‌ಬಾಲ್‌ಗೆ ಮೀಸಲಿಡಲು ಚಿಂತನೆ ನಡೆಯುತ್ತಿದೆ.

ಮಂಗಳೂರಿನ ಉರ್ವ ಮಾರುಕಟ್ಟೆ ಬಳಿ ಅತ್ಯಾಧು ನಿಕ ಕ್ರೀಡಾ ಸಂಕೀರ್ಣ ನಿರ್ಮಾಣ ವಾಗುತ್ತಿದೆ. ಪ್ರೊ ಕಬಡ್ಡಿ, ಶಟಲ್‌- ಬ್ಯಾಡ್ಮಿಂಟನ್‌ನಂತಹ ರಾಷ್ಟ್ರ ಮಟ್ಟದ ಕ್ರೀಡಾಕೂಟಳಲ್ಲಿ ಇನ್ನು ಇದೇ ಕ್ರೀಡಾಂಗಣದಲ್ಲಿ ಆಯೋಜಿ ಸಬಹುದು. ನ್ಪೋರ್ಟ್ಸ್ ಕಾಂಪ್ಲೆಕ್ಸ್‌ ಬಹುತೇಕ ಪೂರ್ಣಗೊಂಡಿದ್ದು, ಸದ್ಯದಲ್ಲೇ ಉದ್ಘಾಟನೆಗೊಳ್ಳಲಿದೆ.
– ರಾಜು ಕೆ., ಸ್ಮಾರ್ಟ್‌ಸಿಟಿ ವ್ಯವಸ್ಥಾಪಕ ನಿರ್ದೇಶಕ

-ನವೀನ್‌ ಭಟ್‌ ಇಳಂತಿಲ