ಎನ್‌ಎಂಪಿ: ಬೃಹತ್‌ ಐಷಾರಾಮಿ ಹಡಗು

Team Udayavani, May 23, 2023, 1:05 PM IST

ಪಣಂಬೂರು: ಬೃಹತ್‌ ಐಷಾರಾಮಿ ಹಡಗು ನೌಟಿಕಾ ನವ ಮಂಗಳೂರು ಬಂದರಿಗೆ ಬುಧವಾರ ಆಗಮಿಸಿದ್ದು, ಅದರಲ್ಲಿ 550 ಪ್ರವಾಸಿ ಗರು, 400 ಸಿಬಂದಿಯಿದ್ದರು.

ವಿದೇಶಿ ಪ್ರವಾಸಿಗರಿಗೆ ಯಕ್ಷಗಾನ ಕಲೆ, ಆಯುಷ್‌ ಚಿಕಿತ್ಸಾ ಪದ್ಧತಿ ಸಹಿತ ಭಾರತೀಯ ಪರಂಪರೆಯ ಮಾಹಿತಿ ನೀಡಲಾಯಿತು. ಪ್ರವಾಸಿಗರು ಬಸ್‌ ಹಾಗೂ ಕಾರುಗಳಲ್ಲಿ ತೆರಳಿ ಮೂಡುಬಿದಿರೆಯ ಸಾವಿರ ಕಂಬ ಬಸದಿ, ಸೈಂಟ್‌ ಅಲೋಶಿಯಸ್‌ ಚಾಪೆಲ್‌, ಕದ್ರಿ ದೇವಸ್ಥಾನ, ಮಾರ್ಕೆಟ್‌, ಕುದ್ರೋಳಿ ದೇವಸ್ಥಾನ, ಗೇರು ಬೀಜ ಸಂಸ್ಕರಣ ಕಾರ್ಖಾನೆ, ಪಿಲಿಕುಳ ಮುಂತಾದ ಸ್ಥಳಗಳನ್ನು ವೀಕ್ಷಿಸಿದರು. ಬಳಿಕ ಹಡಗು ಗೋವಾಕ್ಕೆ ತೆರಳಿತು.

ಕೊರೊನಾ ಹೊರತುಪಡಿಸಿ ಪ್ರತೀ ವರ್ಷ ಸರಾಸರಿ 25 ಪ್ರವಾಸಿ ಹಡಗು ಎನ್‌ಎಂಪಿಗೆ ಆಗಮಿಸಿ ಸುಮಾರು 27 ಸಾವಿರ ಪ್ರವಾಸಿಗರು ಸ್ಥಳೀಯ ಪ್ರೇಕ್ಷಣೀಯ ಸ್ಥಳಗಳನ್ನು ವೀಕ್ಷಿಸುತ್ತಾರೆ. ಮುಂದಿನ ಅವಧಿಗೆ 13 ಪ್ರವಾಸಿ ಹಡಗುಗಳು ಅನುಮತಿ ಪಡೆದಿವೆ. 2022ರ ನವೆಂಬರ್‌ ಬಳಿಕ ಅವಧಿಯಲ್ಲಿ ಮಂಗಳೂರಿಗೆ ಆಗಮಿಸಿದ 8ನೇ ಪ್ರವಾಸಿ ಹಡಗು ಇದಾಗಿದೆ.