ಪುತ್ತೂರು: ಪೌರಕಾರ್ಮಿಕರ ಕ್ರೀಡಾಕೂಟ

Team Udayavani, Sep 18, 2017, 3:02 PM IST

ಪುತ್ತೂರು: ಪೌರಕಾರ್ಮಿಕರ ದಿನಾಚರಣೆ ಹಿನ್ನೆಲೆಯಲ್ಲಿ ರವಿವಾರ ಪುತ್ತೂರು ಕಿಲ್ಲೆ ಮೈದಾನದಲ್ಲಿ ಪೌರ ಕಾರ್ಮಿಕರು ಹಾಗೂ ನಗರಸಭೆ ಸಿಬಂದಿಗೆ ಕ್ರೀಡಾಕೂಟ ಏರ್ಪಡಿಸಲಾಗಿತ್ತು. ಸೆಪ್ಟಂಬರ್‌ 23ರಂದು ಪುತ್ತೂರು ಪುರಭವನದಲ್ಲಿ ನಡೆಯುವ ಪೌರಕಾರ್ಮಿಕರ ದಿನಾಚರಣೆ ಕಾರ್ಯಕ್ರಮದಲ್ಲಿ ವಿವಿಧ‌ ಸ್ಪರ್ಧಾ ವಿಜೇತರಿಗೆ ಬಹುಮಾನ ವಿತರಣೆ ನಡೆಯಲಿದೆ.
 

ನಗರಸಭೆ ಅಧ್ಯಕ್ಷೆ ಜಯಂತಿ ಬಲ್ನಾಡು  ಶಾಟ್‌ಪುಟ್‌ ಎಸೆಯುವ ಮೂಲಕ ಕ್ರೀಡಾ ಕೂಟಕ್ಕೆ ಚಾಲನೆ ನೀಡಿದರು. ಉಪಾಧ್ಯಕ್ಷ ವಿಶ್ವನಾಥ ಗೌಡ, ಪೌರಾಯುಕ್ತೆ ರೂಪಾ ಶೆಟ್ಟಿ, ಸದಸ್ಯರಾದ ಜೆಸಿಂತಾ ಮಸ್ಕರೇನ್ಹಸ್‌, ನಗರಸಭೆ ಅಧಿಕಾರಿಗಳಾದ ಉಸ್ಮಾನ್‌, ಶ್ವೇತಾಕಿರಣ್‌ ಉಪಸ್ಥಿತರಿದ್ದರು.

ಸ್ಪರ್ಧೆಗಳು ಪೌರಕಾರ್ಮಿಕರು, ಅವರ ಮಕ್ಕಳಿಗೆ ವಿವಿಧ ಸ್ಪರ್ದೆಗಳ ಭಾಗವಾಗಿ ಸಂಗೀತ ಕುರ್ಚಿ, ಹಗ್ಗಜಗ್ಗಾಟ, ಶಾಟ್‌ಪುಟ್‌, ಕಬಡ್ಡಿ ನಡೆಯಿತು. ಅನಂತರ 100 ಮೀ. ಓಟ ಸ್ಪರ್ಧೆಯು ನಡೆಯಿತು. ಕ್ರೀಡಾಕೂಟಕ್ಕೆ ನಗರಸಭೆ ಅಧ್ಯಕ್ಷೆ ಜಯಂತಿ ಬಲ್ನಾಡು  ಚಾಲನೆ ನೀಡಿದರು.