ವಿಶ್ವ ಕೊಂಕಣಿ ಕೇಂದ್ರ: ಕೆ.ಕೆ.ಪೈ ಜನ್ಮ ಶತಾಬ್ದ ಸ್ಮೃತಿ ದಿನ ಆಚರಣೆ

Team Udayavani, Jun 27, 2020, 5:05 AM IST

ಮಂಗಳೂರು: ಸಿಂಡಿಕೇಟ್‌ ಬ್ಯಾಂಕಿನ ಮಾಜಿ ಅಧ್ಯಕ್ಷ, ಮಣಿಪಾಲ್‌ ಅಕಾಡೆಮಿ ಆಫ್‌ ಜನರಲ್‌ ಎಜುಕೇಶನ್‌ನ ಮಾಜಿ ರಿಜಿಸ್ಟ್ರಾರ್‌ ಹಾಗೂ ಡಾ| ಟಿ.ಎಂ.ಎ. ಪೈ ಫೌಂಡೇಶನಿನ ಮಾಜಿ ಅಧ್ಯಕ್ಷರಾಗಿದ್ದ ದಿ| ಕೆ.ಕೆ. ಪೈ ಅವರ ಜನ್ಮ ಶತಾಬ್ದ ಸ್ಮೃತಿ ದಿನವನ್ನು ಇಲ್ಲಿನ ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ, ವಿಶ್ವ ಕೊಂಕಣಿ ಕೇಂದ್ರದಲ್ಲಿ ಶುಕ್ರವಾರ ಆಚರಿಸಲಾಯಿತು.

ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಬಸ್ತಿ ವಾಮನ ಶೆಣೈ, ಕೋಶಾಧಿಕಾರಿ ಬಿ. ಆರ್‌. ಭಟ್‌, ಕಾರ್ಯದರ್ಶಿ ಹಾಗೂ ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ನಿಧಿಯ ಮುಖ್ಯ ರೂವಾರಿ ನಂದಗೋಪಾಲ ಶೆಣೈ, ವಿಶ್ವ ಕೊಂಕಣಿ ಕೇಂದ್ರ ಭಾಷಾ ಸಂಸ್ಥಾನ ನಿರ್ದೇಶಕ ಗುರುದತ್ತ ಬಂಟ್ವಾಳಕಾರ ಅವರು ಉಪಸ್ಥಿತರಿದ್ದರು.

ದಿ| ಕೆ.ಕೆ. ಪೈ ಅವರ ಆದರ್ಶ ವ್ಯಕ್ತಿತ್ವದ ಬಗ್ಗೆ ಹಾಗೂ ಅವರು ಸಮಾಜಕ್ಕೆ ಮತ್ತು ಕೊಂಕಣಿ ಭಾಷೆಯ ಅಭಿವೃದ್ಧಿಗೆ ನೀಡಿದ ಅಪಾರ ಕೊಡುಗೆಯನ್ನು ಸ್ಮರಿಸಿದರು. ಕೆ.ಕೆ. ಪೈ ಅವರ ಪ್ರತಿಮೆಗೆ ಹಾರಾರ್ಪಣೆ ಮಾಡುವ ಮೂಲಕ ಗೌರವ ಸಲ್ಲಿಸಲಾಯಿತು.