Uppinangady: ಬೆಂಕಿಗೆ ಸುಟ್ಟುಹೋದ ಬೇಕರಿ ಅಂಗಡಿ

Team Udayavani, Dec 27, 2024, 10:07 PM IST

ಉಪ್ಪಿನಂಗಡಿ: ಇಲ್ಲಿನ ಬಸ್‌ ನಿಲ್ದಾಣದಲ್ಲಿರುವ ಗ್ರಾಮ ಪಂಚಾಯತ್‌ ಅಧೀನದ ಸಂಕೀರ್ಣದ ಸ್ವೀಟ್ಸ್‌ ಸ್ಟಾಲ್‌ನ ಅಂಗಡಿಯಲ್ಲಿ ಬೆಂಕಿ ಕಾಣಿಸಿಕೊಂಡು ಅಂಗಡಿ ಸಂಪೂರ್ಣ ಸುಟ್ಟು ಹೋದ ಘಟನೆ ಗುರುವಾರ ತಡ ರಾತ್ರಿ ಸಂಭವಿಸಿದೆ.

ಬೇಕರಿಯಲ್ಲಿ 11.45ರ ಸುಮಾರಿಗೆ  ಹೊಗೆ ಕಾಣಿಸಿಕೊಂಡು ಇಡೀ ವಾಣಿಜ್ಯ ಮಳಿಗೆಯೇ ಹೊಗೆಯಿಂದ ಆವೃತಗೊಂಡಿತ್ತು. ಬೇಕರಿ ಅಂಗಡಿಯಲ್ಲಿ ಕಾಣಿಸಿಕೊಂಡ ಬೆಂಕಿಯ ಜ್ವಾಲೆ ನೋಡುತ್ತಿದ್ದಂತೆ ಇಡೀ ಅಂಗಡಿಗೆ ಆವರಿಸಿತು.

ಮಾಹಿತಿ ನೀಡಿದ ಸ್ವಲ್ಪ ಸಮಯದ ಬಳಿಕ ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕ ದಳದ ಸಿಬಂದಿ ಕಾರ್ಯಾಚರಣೆ ನಡೆಸಿ ಬೆಂಕಿಯನ್ನು ನಂದಿಸಿದರು. ಬೆಂಕಿಯ ತೀವ್ರತೆಗೆ  ಸಮೀಪದ ಕೆಲವು ಅಂಗಡಿಗಳಿಗೆ ಭಾಗಶಃ ಹಾನಿಯುಂಟಾಗಿದೆ.