Puttur: ವಿದ್ಯಾರ್ಥಿನಿಗೆ ಲಾರಿ ಢಿಕ್ಕಿ; ಗಾಯ

Team Udayavani, Aug 20, 2024, 8:01 PM IST

ಪುತ್ತೂರು: ಮಾಣಿ – ಮೈಸೂರು ರಾಷ್ಟ್ರೀಯ ಹೆದ್ದಾರಿಯ ಕಾವು ನನ್ಯದಲ್ಲಿ ಮಂಗಳವಾರ ಅಡುಗೆ ಅನಿಲ ಸಿಲಿಂಡರ್‌ ಹೇರಿಕೊಂಡು ಹೋಗುತ್ತಿದ್ದ ಲಾರಿಯೊಂದು ರಸ್ತೆ ಬದಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ಕೊಂಬೆಟ್ಟು ಸರಕಾರಿ ಪದವಿ ಪೂರ್ವ ಕಾಲೇಜಿನ ಪ್ರಥಮ ಪಿಯುಸಿ ವಿದ್ಯಾರ್ಥಿನಿಗೆ ಢಿಕ್ಕಿ ಹೊಡೆದಿದೆ.

ಮಾಟ್ನೂರು ಗ್ರಾಮದ ಮದ್ಲ ಆಚಾರಿಮೂಲೆ ಚಂದ್ರಶೇಖರ ಮೂಲ್ಯ ಅವರ ಪುತ್ರಿ ಕೊಂಬೆಟ್ಟು ಕಾಲೇಜಿನ ಪ್ರಥಮ ಪಿಯುಸಿ ವಿದ್ಯಾರ್ಥಿನಿ ಅಂಕಿತಾ ಗಾಯಗೊಂಡವರು. ಮದ್ಲದಲ್ಲಿ ಬಸ್‌ ನಿಲ್ಲಿಸದ ಕಾರಣ ನನ್ಯದಲ್ಲಿ ಇಳಿದು ನಡೆದುಕೊಂಡು ಮನೆ ಕಡೆ ಹೋಗುತ್ತಿದ್ದ ವೇಳೆ ಮಂಗಳೂರಿನಿಂದ ಮೈಸೂರು ಕಡೆ ಹೋಗುತ್ತಿದ್ದ ಲಾರಿ ಢಿಕ್ಕಿ ಹೊಡೆಯಿತು.