ಅಡ್ಕಾರು: ಪೈಟಿಂಗ್‌ ಕೆಲಸದ ವೇಳೆ ಮೇಲಿನಿಂದ ಬಿದ್ದು ಕಾರ್ಮಿಕ ಸಾವು

Team Udayavani, Mar 8, 2024, 11:55 PM IST

ಸುಳ್ಯ: ಮನೆಯ ಗೋಡೆಗೆ ಪೈಟಿಂಗ್‌ ಮಾಡುವ ವೇಳೆ ಕಾರ್ಮಿಕರೋರ್ವರು ಆಕಸ್ಮಿಕವಾಗಿ ಕಾಲು ಜಾರಿ ಬಿದ್ದು ಮೃತಪಟ್ಟ ಘಟನೆ ಸುಳ್ಯ ತಾಲೂಕಿನ ಅಡ್ಕಾರುನಲ್ಲಿ ಸಂಭವಿಸಿದೆ.

ಕಾಸರಗೋಡಿನ ಅಬ್ದುಲ್‌ ಜಬ್ಬಾರ್‌ಎನ್‌.ಎಂ. (42) ಮೃತರು. ಅಬ್ದುಲ್‌ ಜಬ್ಟಾರ್‌ ಅವರು ಮಾ. 7ರಂದು ಜಾಲ್ಸೂರು ಗ್ರಾಮದ ಅಡ್ಕಾರು ಜಿ.ಪಿ.ಅಬ್ದುಲ್ಲಾ ಕುಂಞಿ ಅವರ ಮನೆಯ ಗೋಡೆಗೆ ಪೈಟಿಂಗ್‌ ಕೆಲಸಕ್ಕೆ ಸ್ನೇಹಿತರೊಂದಿಗೆ ಹೋಗಿದ್ದು, ಕೆಲಸದ ವೇಳೆ ಅಬ್ದುಲ್‌ ಜಬ್ಟಾರ್‌ಆಕಸ್ಮಿಕವಾಗಿ ಕಾಲು ಜಾರಿ ಬಿದ್ದು ಗಾಯಗೊಂಡರು. ತತ್‌ಕ್ಷಣ ಗಾಯಾಳುವನ್ನು ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿತ್ತು.

ಆ ಬಳಿಕ ಗಾಯಾಳುವನ್ನು ಮನೆಗೆ ಕರೆದುಕೊಂಡು ಬರಲಾಗಿತ್ತು, ಸಂಜೆ ವೇಳೆ ದೇಹವು ನಿಷ್ಕ್ರಿಯವಾಗಿರುವುದನ್ನು ಗಮನಿಸಿ ಸುಳ್ಯ ಆಸ್ಪತ್ರೆಗೆ ಕರೆದೊಯ್ದ ವೇಳೆ ಪರೀಕ್ಷಿಸಿದ ವೈದ್ಯರು ಗಾಯಾಳು ಮೃತಪಟ್ಟಿರುವುದಾಗಿ ತಿಳಿಸಿದ್ದಾರೆ.

ಕೆಲಸದ ವೇಳೆ ಯಾವುದೇ ಮುಂಜಾಗ್ರತೆ ಇಲ್ಲದೆ ಕೆಲಸ ಮಾಡಿಸಿದ್ದರಿಂದ ಘಟನೆ ನಡೆದಿದೆ ಎಂದು ಮನೆ ಮಾಲಕರ ವಿರುದ್ಧ ನೀಡಿದ ದೂರಿನಂತೆ ಸುಳ್ಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.