Sullia: ಅಪಘಾತ; ಪರಾರಿಯಾಗಿದ್ದ ಲಾರಿ ವಶಕ್ಕೆ

Team Udayavani, Nov 16, 2024, 8:12 PM IST

ಸುಳ್ಯ: ಮಾಣಿ-ಮೈಸೂರು ಹೆದ್ದಾರಿಯ ಬೊಳುಬೈಲುನಲ್ಲಿ ಮಹಿಳೆ ಚಲಾಯಿಸುತ್ತಿದ್ದ ಕಾರಿಗೆ ಢಿಕ್ಕಿ ಹೊಡೆದು ನಿಲ್ಲಿಸದೆ ಪರಾರಿಯಾಗಿದ್ದ ಟಿಪ್ಪರ್‌ ಲಾರಿ ಮರು ದಿನ ಸಂಜೆ ನಂಬರ್‌ಪ್ಲೇಟ್‌ ಇಲ್ಲದ ಸ್ಥಿತಿಯಲ್ಲಿ ಸುಳ್ಯ ಮೆಸ್ಕಾಂ ಕಚೇರಿ ಬಳಿ ಪತ್ತೆಯಾಗಿದ್ದು, ಸುಳ್ಯ ಪೊಲೀಸರು ಲಾರಿಯನ್ನು ವಶಕ್ಕೆ ಪಡೆದಿದ್ದಾರೆ.

ನ. 14ರಂದು ಗುರುವಾರ ತಡರಾತ್ರಿ ಮಂಗಳೂರು ಕಡೆಗೆ ಮಹಿಳೆ ಚಲಾಯಿಸಿಕೊಂಡು ಹೋಗುತ್ತಿದ್ದ ಕಾರಿಗೆ ಪುತ್ತೂರು ಕಡೆಯಿಂದ ಹಿಟಾಚಿ ತುಂಬಿಕೊಂಡು ಬರುತ್ತಿದ್ದ ಟಿಪ್ಪರ್‌ ಬೊಳುಬೈಲು ಬಳಿ ಢಿಕ್ಕಿ ಹೊಡೆದಿತ್ತು. ಈ ವೇಳೆ ಟಿಪ್ಪರ್‌ ಚಾಲಕ ತನ್ನ ವಾಹನವನ್ನು ನಿಲ್ಲಿಸದೆ ಪರಾರಿಯಾಗಿದ್ದ. ಢಿಕ್ಕಿ ಸಂಭವಿಸಿದ ಕಾರು ಮಡಿಕೇರಿ ಕಾವೇರಿ ಆ್ಯಂಬುಲೆ®Õ… ಮಾಲಕರಿಗೆ ಸೇರಿದ್ದಾಗಿತ್ತು.  ನ. 15ರಂದು ಸಂಜೆ ಸುಳ್ಯ ಮೆಸ್ಕಾಂ ಕಚೇರಿ ಬಳಿ ನಂಬರ್‌ಪ್ಲೇಟ್‌ ಇಲ್ಲದ ಸ್ಥಿತಿಯಲ್ಲಿ ಟಿಪ್ಪರ್‌ ಪತ್ತೆಯಾಗಿದ್ದು ಅದರಲ್ಲಿ ಹಿಟಾಚಿ ಇರಲಿಲ್ಲ.

ಲಾರಿಯ ಎರಡು ಬದಿಗಳಲ್ಲಿಯೂ ಕೂಡ ಇರುವ ನಂಬರ್‌ಪ್ಲೇಟ್‌ ನಲ್ಲಿ ನಂಬರ್‌ ಸರಿಯಾಗಿ ಕಾಣುತ್ತಿರಲಿಲ್ಲ. ಸುಳ್ಯ ಪೊಲೀಸರು ಲಾರಿಯನ್ನು ವಶಕ್ಕೆ ಪಡೆದುಕೊಂಡಿದು ತನಿಖೆ ಮುಂದುವರಿಸಿದ್ದಾರೆ.