ಬಂಟ್ವಾಳ ಬೈಪಾಸ್‌: ಕೆಸರಿನಲ್ಲಿ ಹೂತು ಹೋದ ಲಾರಿಗಳು

Team Udayavani, Jun 22, 2020, 5:51 AM IST

ಬಂಟ್ವಾಳ: ಬಿ.ಸಿ. ರೋಡ್‌- ಜಕ್ರಿಬೆಟ್ಟು ಹೆದ್ದಾರಿ ಅವ್ಯವಸ್ಥೆ ಮುಂದು ವರಿದಿದ್ದು, ರವಿವಾರ ಬಂಟ್ವಾಳ ಬೈಪಾಸ್‌ ಅಜೆಕಲ ಕ್ರಾಸ್‌ ಬಳಿ ಎರಡು ಲಾರಿಗಳು ಕೆಸರಿನಲ್ಲಿ ಹೂತು ಹೋದ ಘಟನೆ ಸಂಭವಿಸಿದೆ.

ಹೆದ್ದಾರಿ ಕೆಸರಿನಿಂದ ತುಂಬಿಹೋಗಿದ್ದು, ವಾಹನ ಸಂಚಾರ ದುಸ್ತರವೆನಿಸಿದೆ. ರವಿವಾರ ಬಂಟ್ವಾಳ ಭಾಗದಿಂದ ಬಿ.ಸಿ. ರೋಡ್‌ ಕಡೆಗೆ ತೆರಳುತ್ತಿದ್ದ ಲಾರಿಗಳು ಹೂತು
ಹೋಗಿದ್ದವು. ಅನಂತರ ಜೆಸಿಬಿ ಮೂಲಕ ಲಾರಿಗಳನ್ನು ಮೇಲಕ್ಕೆತ್ತಲಾಯಿತು.

ಅಪಾಯಕಾರಿ
ಹೆದ್ದಾರಿ ಕಾಮಗಾರಿ ನಿರೀಕ್ಷಿತ ಮಟ್ಟದಲ್ಲಿ ಸಾಗದೇ ಇದ್ದು, ಮಳೆಯೂ ಬರುತ್ತಿರುವುದರಿಂದ ಸಾಕಷ್ಟು ತೊಂದರೆಗಳು ಎದುರಾ ಗಿವೆ. ಘನ ವಾಹನಗಳು ಹೂತು ಹೋಗುವ ಘಟನೆ ಸಂಭವಿಸುತ್ತಿದೆ. ದ್ವಿಚಕ್ರ ವಾಹನ ಸವಾರರಿಗೂ ಕೆಸರಿನಲ್ಲಿ ಸಂಚರಿಸುವುದು ಅಪಾಯಕಾರಿಯಾಗಿದೆ.