Bantwal ಮಣಿಹಳ್ಳ: ಅಕ್ರಮ ಮರಳು ಸಾಗಾಟ

Team Udayavani, Feb 21, 2024, 12:19 AM IST

ಬಂಟ್ವಾಳ: ನಾವೂರು ಗ್ರಾಮದ ಮಣಿಹಳ್ಳ ಜಂಕ್ಷನ್‌ನಲ್ಲಿ ಅಕ್ರಮವಾಗಿ ಮರಳು ಸಾಗಿಸುತ್ತಿದ್ದ ಲಾರಿಯನ್ನು ಫೆ. 20ರಂದು ವಶಕ್ಕೆ ಪಡೆದು ಇಬ್ಬರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.

ಬಂಟ್ವಾಳ ಗ್ರಾಮಾಂತರ ಪಿಎಸ್‌ಐ ಮೂರ್ತಿ ಅವರು ಫೆ. 20ರ ಮುಂಜಾನೆ ಸಿಬಂದಿ ಜತೆ ಗಸ್ತು ತಿರುಗುತ್ತಿದ್ದಾಗ ಬಿ.ಸಿ.ರೋಡು ಕಡೆಯಿಂದ ಮಣಿಹಳ್ಳ ಕಡೆಗೆ ಟಿಪ್ಪರ್‌ ಲಾರಿಯೊಂದು ಆಗಮಿಸಿದ್ದು, ತಡೆದು ನಿಲ್ಲಿಸಿ ವಿಚಾರಿಸಿದಾಗ ವಳಚ್ಚಿಲ್‌ ನದಿ ಬದಿಯಿಂದ ಮರಳನ್ನು ತುಂಬಿಸಿ ಅಕ್ರಮವಾಗಿ ಸಾಗಾಟ ಮಾಡುತ್ತಿರುವುದು ಬೆಳಕಿಗೆ ಬಂದಿದೆ.

ಪೊಲೀಸರು ಆರೋಪಿಗಳಾದ ಲಾರಿ ಚಾಲಕ ಸಮೀರ್‌ ಹಾಗೂ ಲಾರಿ ಮಾಲಕ ಹಮೀದ್‌ ವಿರುದ್ಧ ಪ್ರಕರಣ ದಾಖಲಿಸಿ, ಸುಮಾರು 5 ಲಕ್ಷ ರೂ. ಮೌಲ್ಯದ ಟಿಪ್ಪರ್‌ ಲಾರಿ ಹಾಗೂ 5, 000 ರೂ. ಮೌಲ್ಯದ ಮರಳನ್ನು ವಶಪಡಿಸಿಕೊಂಡಿದ್ದಾರೆ.