BC Road: 12 ಅಂಗಡಿಗಳಿಂದ ಕಳವಿಗೆ ಯತ್ನ: ಪ್ರಕರಣ ದಾಖಲು

Team Udayavani, Dec 10, 2023, 9:37 PM IST

ಬಂಟ್ವಾಳ: ಬಿ.ಸಿ.ರೋಡಿನ ಕೈಕಂಬದಲ್ಲಿ ಕಳ್ಳನೋರ್ವ ಸುಮಾರು 12 ಅಂಗಡಿಗಳಲ್ಲಿ ಕಳ್ಳತನಕ್ಕೆ ಯತ್ನಿಸಿದ್ದು, ಅದರಲ್ಲಿ ಮೂರು ಅಂಗಡಿಗಳಿಗೆ ನುಗ್ಗಿ ಒಟ್ಟು 61 ಸಾವಿರ ರೂ. ನಗದು ದೋಚಿರುವ ಘಟನೆ ಶನಿವಾರ ತಡರಾತ್ರಿ ನಡೆದಿದೆ.

ಕೈಕಂಬದ ರೀಚಾರ್ಜ್‌ ಅಂಗಡಿಗೆ ನುಗ್ಗಿ 52 ಸಾವಿರ ರೂ. ನಗದು, ಹೊಟೇಲೊಂದರಿಂದ 6 ಸಾವಿರ ರೂ. ಹಾಗೂ ಮತ್ತೂಂದು ಅಂಗಡಿಯಿಂದ 3 ಸಾವಿರ ರೂ. ದೋಚಿದ್ದಾನೆ ಎನ್ನಲಾಗಿದೆ. ಅಂಗಡಿಗಳ ಜತೆಗೆ ಆತ ಸಹಕಾರಿ ಸಂಘಗಳಿಗೂ ನುಗ್ಗಿ ಕಳವಿಗೆ ಯತ್ನಿಸಿದ್ದಾನೆ.

ಶನಿವಾರ ರಾತ್ರಿ ವೇಳೆ ಮಳೆ ಬರುವ ಸಂದರ್ಭದಲ್ಲಿ ಬೈಕಿನಲ್ಲಿ ಹೆಲ್ಮೆಟ್‌ ಧರಿಸಿ ಏಕಾಂಗಿಯಾಗಿ ಆಗಮಿಸಿದ್ದು, ಈ ಎಲ್ಲ ದೃಶ್ಯಗಳು ಸಿಸಿ ಕೆಮರಾದಲ್ಲಿ ಸೆರೆಯಾಗಿವೆ.

ಘಟನಾ ಸ್ಥಳಗಳಿಗೆ ಬಂಟ್ವಾಳ ನಗರ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದು, ಕಳ್ಳನ ಪತ್ತೆಗೆ ತನಿಖೆ ನಡೆಸುತ್ತಿದ್ದಾರೆ.