ಬೆದ್ರಕಾಡು: ವಿಚಿತ್ರ ಹಾವು ಪತ್ತೆ 

Team Udayavani, Oct 29, 2018, 3:17 PM IST

ಬೆಳ್ತಂಗಡಿ: ಕಲ್ಮಂಜ ಗ್ರಾಮದ ಬೆದ್ರಕಾಡು ಓಡಿಯಪ್ಪ ಗೌಡ ಅವರ ಮನೆಯಲ್ಲಿ ಕಪ್ಪು ಬಿಳಿ ಬಣ್ಣದ (ಝಿಬ್ರಾದಂತಹ ಬಣ್ಣ) ವಿಚಿತ್ರ ಹಾವೊಂದು ಕಂಡುಬಂದ ಘಟನೆ ಅ.27ರಂದು ಸಂಭವವಿಸಿದೆ.

ಅವರ ಮನೆಯಂಗಳ ತೆಂಗಿನಮರದ ಗರಿಯಲ್ಲಿ ಈ ಹಾವು ಕಂಡುಬಂದಿತ್ತು. ಸ್ಥಳಕ್ಕೆ ಉರಗಪ್ರೇಮಿ ಲಿಂಗಪ್ಪ ನಾಯ್ಕ ಮಾಚಾರು ಅವರು ಭೇಟಿ ನೀಡಿ, ಉದ್ದದ ಕೋಲಿನ ಸಹಾಯದಿಂದ ಹಾವನ್ನು ಕೆಳಗೆ ಇಳಿಸಿ ಹಿಡಿದಿದ್ದಾರೆ. ತಾನು ಸಾವಿರಕ್ಕೂ ಅಧಿಕ ಹಾವನ್ನು ಹಿಡಿದಿದ್ದು, ಆದರೆ ಇಂತಹ ಹಾವುವನ್ನು ಮೊದಲ ಬಾರಿಗೆ ನೋಡುತ್ತಿದ್ದೇನೆ ಎಂದು ಲಿಂಗಪ್ಪ ಅವರು ತಿಳಿಸಿದ್ದಾರೆ. ಹಾವಿನ ಕುರಿತು ಇನ್ನೊಬ್ಬ ಉರಗಪ್ರೇಮಿಯಲ್ಲಿ ವಿಚಾರಿಸಿದಾಗ ಅವರು ಕ್ಯಾಟ್‌ಸ್ನೇಕ್‌ ಆಗಿರುವ ಸಾಧ್ಯತೆ ಇದೆ ಎಂದಿದ್ದಾರೆ. ಹಾವನ್ನು ಉಗರಪ್ರೇಮಿ ಸ್ನೇಕ್‌ ಜಾಯ್‌ ಅವರಿಗೆ ನೀಡಲಾಗಿದೆ ಎಂದು ಲಿಂಗಪ್ಪ ಅವರು ತಿಳಿಸಿದ್ದಾರೆ.