Belthangady; ಅಕ್ರಮವಾಗಿ ಮನೆಗೆ ಪ್ರವೇಶಿಸಿ ಹಲ್ಲೆ ದೂರು, ಪ್ರತಿದೂರು

Team Udayavani, Feb 21, 2024, 12:16 AM IST

ಬೆಳ್ತಂಗಡಿ: ಬೆಳಾಲು ಸಮೀಪ ಮನೆಯಂಗಳಕ್ಕೆ ಅಕ್ರಮವಾಗಿ ಪ್ರವೇಶಿಸಿ ಪ್ರದೀಪ್‌ ಅವರಿಗೆ ಅವಾಚ್ಯವಾಗಿ ಬೈದು ಹಲ್ಲೆ ನಡೆಸಿರುವ ಬಗ್ಗೆ ದೂರು ದಾಖಲಾಗಿದೆ.

ಹಲ್ಲೆಗೈದಿರುವ ಜಯಂತ್‌ ಗೌಡ, ಸ್ವಸ್ತಿಕ್‌, ಶಶಾಂಕ್‌ ಅವರು ಬಳಿಕ ಮನೆಯ ಹಂಚುಗಳಿಗೂ ಹಾನಿ ಮಾಡಿ ಹೋಗಿದ್ದಾರೆ. ಗಾಯಗೊಂಡಿರುವ ಪ್ರದೀಪ್‌ ಬೆಳ್ತಂಗಡಿ ಸರಕಾರಿ ಆಸ್ಪತ್ರೆಯಲ್ಲಿ ಒಳರೋಗಿಯಾಗಿ ದಾಖಲಾಗಿದ್ದಾರೆ. ಅವರ ಭಾವ ವಿಶೇಷ ಗೌಡ ಯಾನೆ ಚಿಂಟು ಧರ್ಮಸ್ಥಳ ಪೊಲೀಸ್‌ ಠಾಣೆಯಲ್ಲಿ ಸೂರು ದಾಖಲಿಸಿದ್ದಾರೆ.

ಪ್ರತಿದೂರು
ಇದೇ ಪ್ರಕರಣಕ್ಕೆ ಸಂಬಂಧಿಸಿ ಬೆಳ್ತಂಗಡಿ ನಿವಾಸಿ ಸ್ವಸ್ತಿಕ್‌ ಜೆ. (25) ಪ್ರತಿದೂರು ನೀಡಿದ್ದು, ಶಶಾಂಕ್‌ ಎಂಬವರಿಗೆ ಫೆ.18ರಂದು ರಾತ್ರಿ ಬೆಳಾಲು ಗ್ರಾಮದ ಓಣಿಯಾಲು ಎಂಬಲ್ಲಿ ವಿಶೇಷ ಗೌಡ ಯಾನೆ ಚಿಂಟು, ಪ್ರದೀಪ್‌, ವೈಶಾಖ್‌, ಸುರೇಶ್‌ ಹಾಗೂ ಪಝಲ್‌ ಅವರು ಅವಾಚ್ಯವಾಗಿ ಬೈದು, ಹಲ್ಲೆ ನಡೆಸಿ ಜೀವಬೆದರಿಕೆ ಒಡ್ಡಿದ್ದಾರೆ. ಗಾಯಗೊಂಡಿರುವ ಸ್ವಸ್ತಿಕ್‌ ಹಾಗೂ ಶಶಾಂಕ್‌ ಅವರನ್ನು ಉಜಿರೆಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.