ಡಾ| ನಿರ್ಮಲಾನಂದನಾಥ ಸ್ವಾಮೀಜಿ ಸುಳ್ಯ ಭೇಟಿ

Team Udayavani, May 9, 2019, 7:44 AM IST

ಸುಳ್ಯ : ಖಾಸಗಿ ಕಾರ್ಯಕ್ರಮದ ನಿಮಿತ್ತ ಆದಿಚುಂಚನಗಿರಿ ಮಹಾ ಸಂಸ್ಥಾನ ಮಠದ ಪೀಠಾಧ್ಯಕ್ಷ ಡಾ| ನಿರ್ಮಲಾನಂದನಾಥ ಸ್ವಾಮೀಜಿ ಅವರು ಸುಳ್ಯಕ್ಕೆ ಬುಧವಾರ ಭೇಟಿ ನೀಡಿದರು.

ನಮ್ಮತನ ಕಳೆದುಕೊಳ್ಳದ ಸತ್ಸಂಗ ಮತ್ತು ಸಂಸರ್ಗದಿಂದ ಒಳ್ಳೆಯ ಸಂಸ್ಕಾರ ಮೂಡುತ್ತದೆ ಎಂದು ಹೇಳಿದ ಅವರು, ಕುರುಂಜಿಬಾಗ್‌ನಲ್ಲಿ ಗೃಹ ಹಾಗೂ ಗೃಹ ಸಮುಚ್ಚಯದ ಪ್ರವೇಶ ಮತ್ತು ಗುರು ಪ್ರವೇಶ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು.

ವಿವಿಧ ಶಾಖಾ ಮಠಗಳ ಮಠಾಧೀಶರಾದ ಶ್ರೀ ಧರ್ಮಪಾಲನಾಥ ಸ್ವಾಮೀಜಿ, ಶ್ರೀ ಮಂಗಳನಾಥ ಸ್ವಾಮೀಜಿ, ಶ್ರೀ ಗುಣನಾಥ ಸ್ವಾಮೀಜಿ, ಶ್ರೀ ಶಿವಾನಂದ ನಾಥ ಸ್ವಾಮೀಜಿ, ಶ್ರೀ ಚಂದ್ರಶೇಖರನಾಥ ಸ್ವಾಮೀಜಿ, ಶ್ರೀ ಶೈಲನಾಥ ಸ್ವಾಮೀಜಿ, ಶಾಸಕ ಸಂಜೀವ ಮಠಂದೂರು, ಅಕಾಡೆಮಿ ಆಫ್‌ ಲಿಬರಲ್ ಎಜುಕೇಶನ್‌ ಅಧ್ಯಕ್ಷ ಡಾ| ಕೆ.ವಿ. ಚಿದಾನಂದ, ಪ್ರಧಾನ ಕಾರ್ಯದರ್ಶಿ ಡಾ| ಕೆ.ವಿ. ರೇಣುಕಾಪ್ರಸಾದ್‌, ಲೀಲಾಧರ ಡಿ.ವಿ. ಉಪಸ್ಥಿತರಿದ್ದರು. ಕೆ.ಆರ್‌. ಗಂಗಾಧರ್‌ ಪ್ರಸ್ತಾವನೆಗೈದರು.