ಸಂಪಾಜೆ: ಮುಗಿದಿಲ್ಲ ವಿದ್ಯುತ್ ಸಮಸ್ಯೆ ‌

Team Udayavani, Jul 25, 2022, 10:02 AM IST

ಅರಂತೋಡು: ಸಂಪಾಜೆ ವಿದ್ಯುತ್‌ ಲೈನ್‌ನಲ್ಲಿ ಅನಿಯಮಿತವಾಗಿ ವಿದ್ಯುತ್‌ ಸರಬರಾಜು ಆಗುತ್ತಿದ್ದು ಸಮಸ್ಯೆಯಾಗಿದೆ. ಇದರಿಂದಾಗಿ ವಿದ್ಯುತ್‌ ಸಮಸ್ಯೆಯ ಜತೆಗೆ ದೂರವಾಣಿ ನೆಟ್‌ವರ್ಕ್‌ ಸಮಸ್ಯೆಯೂ ಹೆಚ್ಚಾಗಿ ಜನರ ಆಕ್ರೋಶಕ್ಕೆ ಕಾರಣವಾಗುತ್ತಿದೆ. ಅನಿಯಮಿತ ವಿದ್ಯುತ್‌ ಪೂರೈಕೆ ವಿರುದ್ಧ ಸಂಪಾಜೆ ಗ್ರಾಮಸ್ಥರು ಮೆಸ್ಕಾಂ ಕಚೇರಿಗೆ ಮುತ್ತಿಗೆ ಹಾಕಲು ನಿರ್ಧರಿಸಿದ್ದಾರೆ.

ತೊಡಿಕಾನ, ಸಂಪಾಜೆ ಭಾಗದಲ್ಲಿ ವಿದ್ಯುತ್‌ ಕೈಕೊಟ್ಟರೆ ಬಿ.ಎಸ್‌. ಎನ್‌.ಎಲ್‌. ನೆಟ್‌ವರ್ಕ್‌ ಸ್ತಬ್ಧವಾಗುತ್ತದೆ. ತೊಡಿ ಕಾನದಲ್ಲಿ ದಿನದಲ್ಲಿ ಸರಾ ಸರಿ 6 ಗಂಟೆ ಮಾತ್ರ ವಿದ್ಯುತ್‌ ಇರುತ್ತದೆ ಎಂದು ಗ್ರಾಮಸ್ಥರು ದೂರು ತ್ತಿದ್ದಾರೆ. ಇನ್ನು ವಿದ್ಯುತ್‌ ಕಂಬ ಮುರಿದು ಏನಾದರೂ ಸಮಸ್ಯೆಯಾದರೆ ಎರಡು, ಮೂರು ದಿನ ವಿದ್ಯುತ್‌ ಇರುವುದಿಲ್ಲ. ತೊಡಿಕಾನದಲ್ಲಿ ಬಿ.ಎಸ್‌.ಎನ್‌.ಎಲ್‌. ಟವರ್‌ ಮಾತ್ರ ಕಾರ್ಯ ನಿರ್ವಹಿ ಸುತ್ತಿರುವುದರಿಂದ ನೆಟ್‌ ವರ್ಕ್‌ ಜನರಿಗೆ ತಲೆನೋವು ತಂದಿಡುತ್ತದೆ.

ಪರಿಹಾರಕ್ಕೆ ಯತ್ನ: ಸಂಪಾಜೆ ವಿದ್ಯುತ್‌ ಲೈನ್‌ನ ಸಮಸ್ಯೆ ಬಹುತೇಕ ಪರಿಹಾರವಾಗಿದೆ. ಟ್ರೀ ಕಟ್ಟಿಂಗ್‌ ಮಾಡಲಾಗಿದೆ. ತೊಡಿಕಾನ ಲೈನ್‌ ಟ್ರೀ ಕಟ್ಟಿಂಗ್‌ ಪೂರ್ಣವಾಗಿಲ್ಲ. ವಿದ್ಯುತ್‌ ಸರಬರಾಜಿನಲ್ಲಿ ಮೊದಲು ಸಮಸ್ಯೆ ಇತ್ತು. ಈಗ ಬಹುತೇಕ ಪರಿಹಾರವಾಗಿದೆ. –ಹರೀಶ್‌, ಎ.ಇ.ಇ., ಮೆಸ್ಕಾಂ ಸುಳ್ಯ

ಶೀಘ್ರ ಪರಿಹರಿಸಿ: ಸಂಪಾಜೆ ಲೈನ್‌ನ ವಿದ್ಯುತ್‌ ಸಮಸ್ಯೆ ಇನ್ನೂ ಪೂರ್ಣವಾಗಿ ಬಗೆಹರಿದಿಲ್ಲ. ಸಮಸ್ಯೆ ಪರಿಹಾರ ಕಾಣದಿದ್ದರೆ ಸಂಪಾಜೆ ವಿದ್ಯುತ್‌ ಬಳಕೆದಾರರು ಸುಳ್ಯದ ಮೆಸ್ಕಾಂ ಕಚೇರಿಗೆ ಮುತ್ತಿಗೆ ಹಾಕಲು ನಿರ್ಧರಿಸಿದ್ದೇವೆ. –ಜಿ.ಕೆ.ಹಮೀದ್‌, ಅಧ್ಯಕ್ಷರು, ಸಂಪಾಜೆ ಗ್ರಾ.ಪಂ.