Subrahmanya: ಕಳವಿಗೆ ಯತ್ನಿಸಿದ್ದಾತನ ಪತ್ತೆ ಹಚ್ಚಿದ ಪೊಲೀಸರು

Team Udayavani, Nov 12, 2023, 10:59 PM IST

ಸುಬ್ರಹ್ಮಣ್ಯ: ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನದ ಆಡಳಿತಕೊಳಪಟ್ಟ ಆಂಜನೇಯ ಗುಡಿಗೆ ನ. 9ರಂದು ತಡರಾತ್ರಿ ಯುವಕನೊಬ್ಬ ಬೀಗ ಹಾಕಿದ್ದ ಗೇಟು ಹತ್ತಿ ದಾಟಿ ನುಗ್ಗಿ ಗುಡಿಯ ಬಳಿ ಇದ್ದ ಕಾರ್ಯಾಲಯದಲ್ಲಿ ಡ್ರಾವರ್‌ ತಡಕಾಡಿರುವ ಘಟನೆಗೆ ಸಂಬಂಧಿಸಿದಂತೆ ಯುವಕನ್ನು ಪೊಲೀಸರು ಪತ್ತೆ ಹಚ್ಚಿದ್ದಾರೆ.

ಘಟನೆ ಬಗ್ಗೆ ದೇವಸ್ಥಾನ ವತಿಯಿಂದ ಸುಬ್ರಹ್ಮಣ್ಯ ಪೊಲೀಸರಿಗೆ ಮಾಹಿತಿ ನೀಡಲಾಗಿತ್ತು. ಬಳಿಕ ಕಾರ್ಯಾಚರಣೆಗಿಳಿದ ಸುಬ್ರಹ್ಮಣ್ಯ ಎಸ್ಸೆ„ ಕಾರ್ತಿಕ್‌ ನೇತೃತ್ವದಲ್ಲಿ ಪೊಲೀಸ್‌ ಸಿಬಂದಿ ಗುಡಿಯೊಳಗೆ ನುಗ್ಗಿದ ಯುವಕನನ್ನು ಬೆಳ್ತಂಗಡಿ ತಾಲೂಕಿನ ಧರ್ಮಸ್ಥಳದ ನೆರಿಯ ಬಳಿ ಪತ್ತೆ ಹಚ್ಚಿದ್ದಾರೆ. ಗದಗ ಮೂಲದ ಯುವಕ ಕುಡಿದ ಮತ್ತಿನಲ್ಲಿ ಈ ಕೃತ್ಯ ಎಸಗಿರುವುದಾಗಿ ತಿಳಿದು ಬಂದಿದೆ. ಯುವಕ ತನ್ನ ಕೃತ್ಯವನ್ನು ಪೋಲಿಸರು ಹಾಗೂ ದೇವಸ್ಥಾನದವರ ಮುಂದೆ ಒಪ್ಪಿಕೊಂಡಿದ್ದು, ಸುಬ್ರ ಹ್ಮಣ್ಯ ಠಾಣೆಯಲ್ಲಿ ಮುಚ್ಚಳಿಕೆ ಬರೆಯಿಸಲಾಗಿದೆ.