ಮೊಬೈಲ್‌ ಟವರ್‌ ಬ್ಯಾಟರಿ ಕಳ್ಳತನ ಪ್ರಕರಣ: ಆರೋಪಿ ಸೆರೆ

Team Udayavani, Dec 7, 2024, 8:11 PM IST

ಪುತ್ತೂರು: ಬಲ್ನಾಡು ಗ್ರಾಮದ ಬುಳೇರಿಕಟ್ಟೆ ಸಾಜರೋಡ್‌ ಮಾವಲೆಕೊಚ್ಚಿ ಎಂಬಲ್ಲಿ  ಹದಿನೈದು ದಿನಗಳ ಹಿಂದೆ ನಡೆದ ಮೊಬೈಲ್‌ ಟವರ್‌ ಬ್ಯಾಟರಿಗಳ ಕಳ್ಳತನಕ್ಕೆ ಸಂಬಂಧಿಸಿದ ಆರೋಪಿಯನ್ನು ಪುತ್ತೂರು ಗ್ರಾಮಾಂತರ ಪೊಲೀಸರು ಬಂಧಿಸಿದ್ದಾರೆ.

ಬಂಟ್ವಾಳ ತಾಲೂಕಿನ ಕಾವಳಮುಡೂರು ಗ್ರಾಮದ ನಿವಾಸಿ ಹರೀಶ್‌ ನಾಯ್ಕ ಬಂಧಿತ ಆರೋಪಿ. ಆರೋಪಿಯಿಂದ  48 ಸಾವಿರ ರೂ. ಮೌಲ್ಯದ 24 ಬ್ಯಾಟರಿ ಸೆಲ್‌ ಗಳನ್ನು, ಕಳವು ಮಾಡಲು ಬಳಸಿದ 2.5 ಲಕ್ಷ ರೂ. ಮೌಲ್ಯದ ಕಾರು ಮತ್ತು 2 ಮೊಬೈಲ್‌ಗ‌ಳನ್ನು ವಶಕ್ಕೆ ಪಡೆಯಲಾಗಿದೆ.

ನ. 19ರಂದು ಕಳ್ಳತನ ಪ್ರಕರಣ ನಡೆದಿತ್ತು. ಆರೋಪಿ ಪತ್ತೆಗಾಗಿ  ಪುತ್ತೂರು ಗ್ರಾಮಾಂತರ ಠಾಣೆಯ ಎಸ್‌ಐ ಅವರ ನೇತೃತ್ವದಲ್ಲಿ ತನಿಖಾ ತಂಡವು ವಿವಿಧ ಆಯಾಮಗಳಲ್ಲಿ ಹಾಗೂ ತಾಂತ್ರಿಕ ಮಾಹಿತಿಯನ್ನಾಧರಿಸಿ ತನಿಖೆ ನಡೆಸಿ ಆರೋಪಿಯನ್ನು ಬಂ ಧಿಸಿದೆ. ಆರೋಪಿ ಹರೀಶ್‌ ನಾಯ್ಕ ಕೊಣಾಜೆ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿಯೂ ಬ್ಯಾಟರಿ ಸೆಲ್‌ಗ‌ಳನ್ನು ಕಳವು ಮಾಡಿರುವುದು ತನಿಖೆಯಲ್ಲಿ ಬೆಳಕಿಗೆ ಬಂದಿದೆ.