ಕೃತಕ ಕೆರೆಯ ನೀರು ಹಳೆ ಬಸ್‌ ನಿಲ್ದಾಣದಲ್ಲಿ ಮೇಲೇರಿತು!

Team Udayavani, Aug 27, 2019, 5:00 AM IST

ಹಳೆ ಬಸ್‌ ನಿಲ್ದಾಣದಲ್ಲಿ ಉಕ್ಕಿ ಹರಿದ ನೀರು.

ವಿಟ್ಲ: ವಿಟ್ಲ ಪೇಟೆಯ ಬದಿಯಲ್ಲೇ ಬೃಹತ್‌ ಕೃತಕ ಕೆರೆ ನಿರ್ಮಾಣವಾಗಿದ್ದು ದುರ್ಘ‌ಟನೆಯನ್ನು ಆಹ್ವಾನಿಸುತ್ತಿದೆ ಎಂಬ ಸುದಿನದಲ್ಲಿ ಉದಯವಾಣಿ ಜನಪರ ಕಾಳಜಿಯೆಂದು ಸೋಮವಾರ ಪ್ರಕಟವಾದ ವರದಿಯನ್ನು ಗಮನಿಸಿ, ಪಟ್ಟಣ ಪಂಚಾಯತ್‌ ಕ್ರಮ ಕೈಗೊಂಡಿತಾದರೂ ಅದು ಇನ್ನೊಂದು ಸಮಸ್ಯೆಗೆ ಕಾರಣವಾಯಿತು.

ಪ.ಪಂ. ಮುಖ್ಯಾಧಿಕಾರಿ ಅವರ ಸೂಚನೆಯಂತೆ ಕೃತಕ ಕೆರೆ ಯಿಂದ ನೀರೆತ್ತುವುದಕ್ಕೆ ಪಂಪ್‌ ಅಳವಡಿಸ ಲಾಯಿತು. ಆದರೆ ಪಂಪು ಸಂಜೆವರೆಗೆ ಕಾರ್ಯಾಚರಿಸಲಿಲ್ಲ. ಬದಲಾಗಿ ಕೃತಕ ಕೆರೆಯ ಬದಿಯಲ್ಲಿ ಅಗೆದು ಚರಂಡಿ ಮಾಡಿ, ಪೇಟೆಯ ರಸ್ತೆ ಬದಿಯಲ್ಲಿರುವ ಚರಂಡಿಗೆ ನೀರನ್ನು ಬಿಡಲಾಯಿತು. ಈ ನೀರು ಮುಖ್ಯ ರಸ್ತೆಯ ಚರಂಡಿಯಲ್ಲಿ ಮುಂದೆ ಸಾಗಬೇಕು. ಆದರೆ ಹೀಗೆ ಸಾಗಿದ ನೀರು ಹಳೆ ಬಸ್‌ ನಿಲ್ದಾಣದಲ್ಲಿ ಮೇಲೇಳಲು ಆರಂಭವಾಯಿತು! ವಿಟ್ಲ ಪೇಟೆಯ ಪ್ರಮುಖ ರಸ್ತೆಯಲ್ಲೇ ಕೃತಕ ಪ್ರವಾಹ ಉಂಟಾಗಿ ವಾಹನ, ಪಾದಚಾರಿಗಳ ಸಂಚಾರಕ್ಕೆ ತೊಡಕಾಯಿತು. ಒಂದು ಸಮಸ್ಯೆ ಪರಿಹಾರಕ್ಕೆ ಕ್ರಮ ಕೈಗೊಳ್ಳುತ್ತಿರುವಂತೆಯೇ ಇನ್ನೊಂದು ಸಮಸ್ಯೆ ಸೃಷ್ಟಿಯಾಗಿದ್ದಕ್ಕೆ ಅಸಮಾಧಾನ ವ್ಯಕ್ತವಾಯಿತು.