ಕಾಪು: ಕಳವು ಆರೋಪಿಗಳ ಬಂಧನ

Team Udayavani, Dec 18, 2020, 1:35 AM IST

ಸಾಂದರ್ಭಿಕ ಚಿತ್ರ

ಕಾಪು: ಎಂಟು ವರ್ಷಗಳ ಹಿಂದೆ ಮಲ್ಲಾರು ಗ್ರಾಮದ ಕೋಟೆಯಲ್ಲಿ ಮನೆಯ ಹಿಂಬದಿ ಬಾಗಿಲು ಮುರಿದು ಒಳ ನುಗ್ಗಿ ಲಕ್ಷಾಂತರ ರೂಪಾಯಿ ಮೌಲ್ಯದ ಚಿನ್ನಾಭರಣ ಸಹಿತ ಸೊತ್ತುಗಳನ್ನು ಕಳವು ನಡೆಸಿರುವ ಆರೋಪಿಗಳನ್ನು ಕಾಪು ಪೊಲೀಸರು ಗುರುವಾರ ಬಂಧಿಸಿದ್ದಾರೆ.

ಮಲ್ಲಾರು ಗುಡ್ಡೆಕೇರಿ ನಿವಾಸಿ ಅಬ್ದುಲ್‌ ಸತ್ತಾರ್‌ (38), ಪಾದೂರು ಚಂದ್ರನಗರ ನಿವಾಸಿ ಅಬ್ದುಲ್‌ ರಹಿ ಮಾನ್‌ ಫ‌ಕ್ರುದ್ದೀನ್‌ (49) ಬಂಧಿತರು. ಬಂಧಿತರು 2012ರ ಜುಲೈ ತಿಂಗಳಲ್ಲಿ ಮಲ್ಲಾರು ಕೋಟೆ ಪರ್ವಿನ್‌ ಬಾನು ಎಂಬವರ ಮನೆಯ ಹಿಂಬದಿಯ ಬಾಗಿಲು ಮುರಿದು ಒಳ ನುಗ್ಗಿ 2 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ಮತ್ತು 50 ಸಾವಿರ ರೂ. ಮೌಲ್ಯದ ಸ್ಟೀಲ್‌ ಪಾತ್ರೆಗಳನ್ನು ಕಳವುಗೈದಿದ್ದರು.

ಉಡುಪಿ ಎಸ್ಪಿ ಡಾ| ವಿಷ್ಣುವರ್ಧನ್‌, ಹೆಚ್ಚುವರಿ ಎಸ್ಪಿ ಕುಮಾರ ಚಂದ್ರ, ಡಿವೈಎಸ್ಪಿ ಭರತ್‌ ರೆಡ್ಡಿ ಅವರ ನಿರ್ದೇಶನದಲ್ಲಿ ಕಾಪು ಪೊಲೀಸ್‌ ವೃತ್ತ ನಿರೀಕ್ಷಕಕ ಪ್ರಕಾಶ್‌ ಅವರ ನೇತೃತ್ವದಲ್ಲಿ ಪೊಲೀಸ್‌ ಸಿಬಂದಿ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.