ಮಧುವನ: ಗೃಹ ರಕ್ಷಕ ಸಿಬಂದಿಗೆ ಕೋವಿಡ್-19 ಪಾಸಿಟಿವ್; ಎರಡು‌ ಮನೆಗಳು ಸೀಲ್ ಡೌನ್

Team Udayavani, Jun 5, 2020, 4:33 PM IST

ಕೋಟ: ವಡ್ಡರ್ಸೆ ಗ್ರಾ.ಪಂ. ವ್ಯಾಪ್ತಿಯ ಮಧುವನದ ನಿವಾಸಿ, ಬ್ರಹ್ಮಾವರ ಘಟಕದ ಗೃಹರಕ್ಷಕ ದಳದ ಸಿಬಂದಿಗೆ ಕೋವಿಡ್-19 ಸೋಂಕು ಪತ್ತೆಯಾಗಿದೆ. ಪ್ರಸ್ತುತ ಸೋಂಕಿತನನ್ನು ಉಡುಪಿಯ ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಸುತ್ತಲಿನ ಎರಡು ಮನೆಗಳನ್ನು ಸೀಲ್ ಡೌನ್ ಮಾಡಲಾಗಿದೆ.

ಸ್ಥಳೀಯರಲ್ಲಿ ಆತಂಕ:- ಹತ್ತು ದಿನಗಳ ಹಿಂದೆ ವಡ್ಡರ್ಸೆ ಗ್ರಾ.ಪಂ. ವ್ಯಾಪ್ತಿಯಲ್ಲಿ ಕೋವಿಡ್ ಪ್ರಕರಣವೊಂದು ದಾಖಲಾಗಿ ಹಲವು ದಿನಗಳ‌ ಕಾಲ ಒಂದು ಕಿ.ಮೀ ಪ್ರದೇಶ ಕಂಟೋನ್ಮೆಂಟ್ ಝೋನ್ ಆಗಿ ಘೋಷಿಸಿ ಸೀಲ್ ಮಾಡಲಾಗಿತ್ತು ಇದೀಗ ಸಮೀಪದಲ್ಲೇ ಎರಡನೇ ಪ್ರಕರಣ ದಾಖಲಾಗಿರುವುದರಿಂದ ಸ್ಥಳೀಯರಲ್ಲಿ ಆತಂಕ ಮನೆ ಮಾಡಿದೆ. ಕೋಟ ಕಂದಾಯ ಅಧಿಕಾರಿ ರಾಜು, ಗ್ರಾ.ಪಂ. ಪಿ.ಡಿ.ಒ. ಉಮೇಶ್, ಗ್ರಾ.ಪಂ‌. ಸದಸ್ಯ ಕೋಟಿ ಪೂಜಾರಿ ಹಾಗೂ ಕೋಟ ಪೊಲೀಸರು, ವಿ.ಎ. ವಿಜಯ್, ಚೆಲುವರಾಜು, ಇಲಾಖೆಯ ಅಧಿಕಾರಿಗಳು, ಆರೋಗ್ಯ ಇಲಾಖೆಯ ಪ್ರತಿನಿಧಿಗಳು ಉಪಸ್ಥಿತರಿದ್ದರು.