ಉದ್ಯಾವರ: ಯುವಕರ ನಡುವೆ ಹೊಡೆದಾಟ

Team Udayavani, Jun 7, 2022, 1:25 AM IST

ಕಾಪು: ಉದ್ಯಾವರ ಪೇಟೆಯಲ್ಲಿ ರವಿವಾರ ನಡೆದ ಹಲ್ಲೆ ಪ್ರಕರಣಕ್ಕೆ ಸಂಬಂಧಿಸಿ ಕಾಪು ಪೊಲೀಸ್‌ ಠಾಣೆಯಲ್ಲಿ ದೂರು-ಪ್ರತಿದೂರು ದಾಖಲಾಗಿದೆ.

ಉದ್ಯಾವರ ಪಿತ್ರೋಡಿ ನಿವಾಸಿ ನಿಶಾಂತ್‌ ಕರ್ಕಡ ರವಿವಾರ ಮಧ್ಯಾಹ್ನ ಪರಿಚಯದವರ ಮನೆಯ ಕಾರ್ಯಕ್ರಮಕ್ಕೆ ತೆರಳಿ ವಾಪಸಾಗುತ್ತಿದ್ದಾಗ ಪರಿಚಯದ ಮಿಥೇಶ್‌ ಜತೆಗೆ ಹಣಕಾಸಿನ ವಿಚಾರದಲ್ಲಿ ಚರ್ಚೆ ನಡೆದಿತ್ತು.

ಈ ವೇಳೆ ಮಿಥೇಶ್‌, ನಿಶಾಂತ್‌ ಅವರಿಗೆ ಜೀವ ಬೆದರಿಕೆಯೊಡ್ಡಿದ್ದ. ಸಂಜೆ ಗಿರೀಶ್‌ ಜತೆಗೂಡಿ ಸೋಡಾ ಬಾಟಲಿಯಿಂದ ಹಲ್ಲೆ ನಡೆಸಿರುವುದಾಗಿ ದೂರಲಾಗಿದೆ.

ಈ ವೇಳೆ ನಡೆದ ತಳ್ಳಾಟದಲ್ಲಿ ನಿಶಾಂತ್‌ ಅವರ ಕುತ್ತಿಗೆಯಲ್ಲಿದ್ದ ಚಿನ್ನದ ಸರ ಕಳೆದು ಹೋಗಿರುವುದಾಗಿ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ತಿಳಿಸಲಾಗಿದೆ.

ಪ್ರತಿದೂರು:
ಉದ್ಯಾವರ ಮಠದಂಗಡಿ ನಿವಾಸಿ ಮಿಥೇಶ್‌ ಕಾಪು ಪೊಲೀಸರಿಗೆ ಪ್ರತಿದೂರು ನೀಡಿದ್ದು, ರವಿವಾರ ರಾತ್ರಿ ಪೇಟೆಗೆ ಬಂದಿದ್ದ ವೇಳೆ ತಡೆಯೊಡ್ಡಿದ ನಿಶಾಂತ್‌ ಕರ್ಕಡ ತಡೆದು ನಿಲ್ಲಿಸಿ ಏಕಾಏಕಿ ಹಲ್ಲೆ ನಡೆಸಿದ್ದಾನೆ. ಈ ವೇಳೆ ನಡೆದ ಹೋರಾಟದ ಸಂದರ್ಭ ತನ್ನ ಕುತ್ತಿಗೆಯಲ್ಲಿದ್ದ ಎರಡು ಸರಗಳು ಕಳೆದು ಹೋಗಿವೆ ಎಂದು ತಿಳಿಸಿದ್ದಾರೆ. ಘಟನೆಗೆ ಸಂಬಂಧಿಸಿ ಕಾಪು ಪೊಲೀಸ್‌ ಠಾಣೆಯಲ್ಲಿ ದೂರು-ಪ್ರತಿದೂರುಗಳು ದಾಖಲಾಗಿದ್ದು, ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.