ಆರಂಭದಲ್ಲಿಯೇ ರೋಗ ಲಕ್ಷಣ ಗುರುತಿಸಿ: ಜಿಲ್ಲಾಧಿಕಾರಿ ಜಗದೀಶ್‌

Team Udayavani, Apr 20, 2020, 5:33 AM IST

ಉಡುಪಿ: ಕೋವಿಡ್ 19ಕ್ಕೆ ಸಂಬಂಧಿಸಿ ರೋಗಲಕ್ಷಣಗಳನ್ನು ಮೊದಲಾಗಿ ಗುರುತಿಸಬೇಕು ಎಂದು ವೈದ್ಯ ಸಮು ದಾಯಕ್ಕೆ ಜಿಲ್ಲಾಧಿಕಾರಿ ಜಿ. ಜಗದೀಶ್‌ ಕರೆ ನೀಡಿದ್ದಾರೆ.

ಬೇರೆ ಜಿಲ್ಲೆಗಳಲ್ಲಿ ಕೋವಿಡ್ 19 ಸೋಂಕು ದೃಢಪಡುವ ಸಂದರ್ಭ ಮರಣ ಸಂಭವಿಸಿದ್ದು ಇದೆ. ಆದ್ದರಿಂದ ಜಿಲ್ಲೆಯ ಯಾವುದೇ ಖಾಸಗಿ / ಸರಕಾರಿ ವೈದ್ಯರಲ್ಲಿ ಜ್ವರ, ಶೀತ, ಕೆಮ್ಮು, ಉಸಿರಾಟದ ಸಮಸ್ಯೆ ಇತ್ಯಾದಿಗಳುಳ್ಳ ರೋಗಿಗಳು ಬಂದಲ್ಲಿ ಜಿಲ್ಲಾಡಳಿತ, ಜಿಲ್ಲಾ ಆರೋಗ್ಯ ಇಲಾಖೆಯ ಗಮನಕ್ಕೆ ತರಬೇಕು. ಆಗ ತತ್‌ಕ್ಷಣವೇ ಸೂಕ್ತ ಮುನ್ನೆಚ್ಚರಿಕೆ ಕ್ರಮ ಕೈಗೊಳ್ಳಲು ಸಾಧ್ಯವಾಗುತ್ತದೆ. ಇದನ್ನು ಐಎಂಎ ಮತ್ತು ಸರಕಾರಿ ವೈದ್ಯರಿಗೆ ಈಗಾಗಲೇ ತಿಳಿಸಲಾಗಿದೆ ಎಂದಿದ್ದಾರೆ.