ಆದಿಉಡುಪಿ: ಹೆಲಿಟೂರಿಸಂ ರೈಡ್‌ ಆರಂಭ

Team Udayavani, Jan 12, 2019, 5:41 AM IST

ಉಡುಪಿ: ಪ್ರವಾಸೋದ್ಯಮ ಉತ್ತೇಜನಕ್ಕಾಗಿ ಆದಿಉಡುಪಿ ಹೆಲಿಪ್ಯಾಡ್‌ನ‌ಲ್ಲಿ ಆಯೋಜಿಸಿದ ಮೂರು ದಿನಗಳ ಹೆಲಿಟೂರಿಸಂ ಅನ್ನು ಶಾಸಕ ರಘುಪತಿ ಭಟ್‌ ಶುಕ್ರವಾರ ರೈಡಿಂಗ್‌ನಲ್ಲಿ ಪಾಲ್ಗೊಳ್ಳುವ ಮೂಲಕ ಉದ್ಘಾಟಿಸಿದರು. ಆದಿಉಡುಪಿ ಹೆಲಿಪ್ಯಾಡ್‌ ಮೈದಾನದಲ್ಲಿ ಜ. 11ರಿಂದ 13ರ ವರೆಗೆ ಹೆಲಿಟೂರಿಸಂ ರೈಡ್‌ ನಡೆಯಲಿದ್ದು ಒಂದು ಬಾರಿ 6 ಮಂದಿ ಹಾರಾಟ ನಡೆಸಬಹುದು.

ಪ್ರವಾಸೋದ್ಯಮ ಉತ್ತೇಜನ ದೃಷ್ಟಿಯಿಂದ ಹೆಲಿಟೂರಿಸಂ ಅಗತ್ಯ. ದ.ಕ.,ಉಡುಪಿ, ಉ.ಕ. ಜಿಲ್ಲೆಗಳನ್ನು ಒಳಗೊಂಡಂತೆ ಹೆಲಿಟೂರಿಸಂ ಜಾರಿಗೊಳಿಸಿದರೆ ಇನ್ನೂ ಉತ್ತಮ ಎಂದ ಅವರು ಪ್ರವಾಸೋದ್ಯಮ ಸಚಿವ ಸಾ.ರಾ. ಮಹೇಶ್‌ ಅವರನ್ನು ಇಲ್ಲಿಗೆ ಬರ ಹೇಳಿ ಈ ಬಗ್ಗೆ ಪ್ರಸ್ತಾವ ಮುಂದಿಡಲಾಗುವುದು ಎಂದು ಭಟ್‌ ತಿಳಿಸಿದರು. 

ಎಪ್ರಿಲ್‌ – ಮೇ ತಿಂಗಳಲ್ಲಿ ಸಾಧ್ಯವಾದರೆ ಮತ್ತೂಮ್ಮೆ ಆಯೋಜಿಸುತ್ತೇವೆ. ಕುಂದಾಪುರದಲ್ಲಿ ನಡೆದ ಹೆಲಿಟೂರಿಸಂಗೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ ಎಂದು ಸಂಘಟಕ ಸುಧೇಶ್‌ ಶೆಟ್ಟಿ ತಿಳಿಸಿದರು.  ಮೀನು ಮಾರಾಟ ಫೆಡರೇಶನ್‌ ಅಧ್ಯಕ್ಷ ಯಶಪಾಲ್‌ ಸುವರ್ಣ, ಕ್ರೀಡಾ ಇಲಾಖೆ ಸಹಾಯಕ ನಿರ್ದೇಶಕ ಡಾ| ರೋಶನ್‌ ಕುಮಾರ್‌ ಶೆಟ್ಟಿ, ನಿರ್ಮಿತಿ ಕೇಂದ್ರದ ಅರುಣ್‌ ಕುಮಾರ್‌, ಕ್ಯಾಪ್ಟನ್‌ ರಮೇಶ ಭೂಮಿನಾಥನ್‌ ಉಪಸ್ಥಿತರಿದ್ದರು.