Katpadi: ಗುಜರಿ ಅಂಗಡಿಯಲ್ಲಿ ಕಳವು

Team Udayavani, Jan 18, 2024, 11:06 PM IST

ಕಾಪು: ಗುಜರಿ ಅಂಗಡಿಗೆ ನುಗ್ಗಿದ ಕಳ್ಳರು ಸುಮಾರು 90 ಸಾವಿರ ರೂಪಾಯಿ ಮೌಲ್ಯದ ಸೊತ್ತುಗಳನ್ನು ಕಳವುಗೈದ ಘಟನೆ ಜ. 17ರಂದು ಬೆಳಕಿಗೆ ಬಂದಿದೆ.

ಕಟಪಾಡಿ ಮೂಡಬೆಟ್ಟು ನಿವಾಸಿ ಅಬ್ದುಲ್‌ ರಜಾಕ್‌ ಅವರು ದಾಮೋದರ ಕಟ್ಟಡದಲ್ಲಿ ಮೂರು ತಿಂಗಳಿನಿಂದ ಗುಜರಿ ವ್ಯಾಪಾರ ನಡೆಸುತ್ತಿದ್ದು ಜ. 16ರಂದು ಅಂಗಡಿಗೆ ಬೀಗ ಹಾಕಿ ಮನೆಗೆ ತೆರಳಿದ್ದರು. ಜ. 17ರಂದು ಬೆಳಗ್ಗೆ ಗುಜರಿ ಆಂಗಡಿಗೆ ಬಂದು ನೋಡಿದಾಗ ಶೆಡ್‌ ಎದುರಿನ ಬಾಗಿಲಿನ ಮೂರು ತಗಡಿನ ಶೀಟ್‌ಗೆ ಅಳವಡಿಸಿದ್ದ ಸೂðಗಳನ್ನು ಬಿಚ್ಚಿ ಬಾಗಿಲು ತೆರೆದಿರುವುದು ಕಂಡು ಬಂದಿತ್ತು. ಒಳಗೆ ಹೋಗಿ ನೋಡಿದಾಗ 90,000 ರೂಪಾಯಿ ಮೌಲ್ಯದ ಸೊತ್ತುಗಳನ್ನು ಕಳವು ಮಾಡಿಕೊಂಡು ಹೋಗಿರುವುದು ಗೊತ್ತಾಗಿದೆ. ಕಾಪು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.